Гусейн автоунаа белек кылган кыргызстандыктын үй-бүлөсү менен таанышты. Видео

© Фото / Instagram / @gusein.gasanovРоссиялык блогер Гусейн Гасанов
Россиялык блогер Гусейн Гасанов  - Sputnik Кыргызстан, 1920, 27.11.2021
Жазылуу
Кыргызстандык жаран блогерди үй-бүлөсү менен тааныштырып, кийин Кыргызстандын өкмөтүнөн чалып, жардам сунушташканын айтты.
БИШКЕК, 27-ноя. — Sputnik. Россиялык блогер Гусейн Гасанов бир нече күн мурда автоунаа белек кылган кыргызстандык Эген Апсаматовдун үй-бүлөсү менен таанышты.
Жолугушуу Апсаматов белекке алган KIA Rio автоунаасы менен келип токтогон унаа токтотуучу жайлардын биринде болду.
"Мен сени көргөнү келдим", — деди Гасанов.
Кыргызстандык жаран блогерди үй-бүлөсү менен тааныштырып, Instagram социалдык тармагына катталганын айтты. Ошондой эле ал Кыргызстандын өкмөтүнөн чалып, жардам сунушташканын кошумчалады.
"Сиз жөн гана автоунаа белек кылып койбой, жашообузду өзгөрттүңүз. Өзгөчө кызыбыздын жашоосун", — деди таксисттин жубайы.

Посмотреть эту публикацию в Instagram

Публикация от ГУСЕЙН ГАСАНОВ (@gusein.gasanov)

Апсаматов автоунаанын арткы айнектерине "Гусейнден белек" деп жазып коёрун билдирди.
Эске салсак, Гусейн Гасанов менен Арутюн Назарян Москвада такси айдап иштеген кыргызстандыкка автоунаа белек кылган.