Dior азиялык аялдардын сулуулугун бурмалаганы үчүн катуу сынга кабылды. Сүрөт
15:02 18.11.2021 (Жаңыртылды: 14:27 14.12.2021)
© AFP / CHARLY TRIBALLEAU
Жазылуу
Dior жаңы каталогу үчүн сулуу эмес моделди тандап алган. Бул нерсе азиялык аялдардын келбети боюнча жалган таасир калтырары айтылды.
БИШКЕК, 18-ноя. — Sputnik. Кытайлык соцтармак колдонуучулары франциялык Dior мода үйүн азиялык аялдын сүрөтү менен чыгарган жарнамасын сынга алды. Бул тууралуу Bloomberg жазды.
Интернет колдонуучуларынын ою боюнча, Dior жаңы каталогу үчүн сулуу эмес моделди тандап алган. Бул нерсе азиялык аялдардын келбети боюнча жалган таасир калтырат.
A photographic work by Chinese fashion photographer Chen Man for the Dior and Art exhibition at Shanghai West Bund Art Center sparked anger on Chinese social media due to the particular appearance of "Lady Dior," which was criticized for smearing the appearance of Asian women. pic.twitter.com/eJPpNFLrr6
— Yicai Global 第一财经 (@yicaichina) November 17, 2021
Сүрөттү кытайлык художник Чэнь Мэн тартып, Шанхайдагы көргөзмөгө коюлган. Анда салттуу костюм кийген аял колуна Lady Dior сумкасын көтөрүп алган. Чачы түйүлүп, бетинде сепкилдери бар.
Бул сүрөт соцтармак колдонуучуларын ызага батырды. Жарнамалык кампаниянын айынан брендге аз жерден "бойкот" жарыяланып кете жаздады. Мисалы, Beijing Daily мамлекеттик гезитине "Dior мода үйүнүн көзү боюнча азиялык аял ушундайбы?" деген макала жарыяланды. Басылма франциялык фирмага каарын төгүп, сүрөт кытайлык керектөөчүлөрдү ыңгайсыз абалда калтырганын жазган.
"Көп жылдардан бери азиялык аялдарды көзү ичке, бети сепкил деп элестетип келишкен. Бирок Кытайдын сулуулук жана искусствого болгон көз карашы бурмаланбашы керек", — деп жазылган макалада.
Dior компаниясынын өкүлдөрү кытайлыктардын критикасына комментарий бере элек.
