Жалал-Абад милициясы 43 жаштагы Алтынбекти издөөгө жардам сурайт. Сүрөт

© AP Photo / Elizabeth DalzielАртты карап турган адам. Архив
Артты карап турган адам. Архив - Sputnik Кыргызстан, 1920, 16.11.2021
Жазылуу
Алтынбек бала чагынан бери психикалык жактан жабыркайт. Ал ушул жылдын 13-майында үйүнөн араба түртүп чыгып кеткен бойдон кайра келе элек.
БИШКЕК, 16-ноя. — Sputnik. Жалал-Абад облустук милициясы Токтогул районуна караштуу Үч-Терек айылынын 43 жаштагы тургуну Алтынбек Мусаевге издөө салып, көргөндөр болсо кабарлап коюуну суранды. 
© Фото / пресс-служба УВД Джалал-Абадской областиДайынсыз жоголгон Алтынбек Мусаев
Пропавший в Джалал-Абадской области Алтынбек Мусаев - Sputnik Кыргызстан, 1920, 14.12.2021
Дайынсыз жоголгон Алтынбек Мусаев
Маалыматка ылайык, ал 2021-жылдын 13-май күнү үйүнөн араба (тачка) түртүп чыгып кеткен бойдон дайынсыз болууда.
Өзгөчө белгилери: бою 150-155 сантиметр, оң буту ичке болгондуктан басканда сылтып басат, оң колу чыканагына чейин күйүктөн калган тактары бар жана сол колуна салыштырмалуу ичке.
"Алтынбек бала чагынан бери психикалык жактан жабыркайт, бирок айылдан башка аймактарга чыкпаса үйүн кайра таап келе алат. Ошондуктан күнүмдүк кара жумуш кылдыруу үчүн адамдар башка аймактарга алып кетип калышы мүмкүн деген да божомолдор бар. Учурда Алтынбектин жүргөн жерин аныктоого мүмкүн болбой жаткандыгына байланыштуу туугандары жана милиция аны табууга коомчулуктан жардам сурайт", — деп айтылат Жалал-Абад ОИИБдин билдирүүсүндө.
Укук коргоо органдары аны көрүп-билгендер болсо төмөнкү телефондорго кабарлап коюуну өтүндү:
Тел.: 0773 319 018; 0706 931 515; 0773 432 478.
Жаңылыктар түрмөгү
0