Милиция Чүйдө жоголгон 50дөн ашык жылкыны издеп жатат

© Sputnik / Алексей Мальгавко / Медиабанкка өтүүКороодогу жылкылар. Архив
Короодогу жылкылар. Архив - Sputnik Кыргызстан, 1920, 15.11.2021
Жазылуу
Милиция КР Жазык кодексинин 200-беренеси ("Уурдоо") боюнча кылмыш ишин козгоп, ууруларды издеп жатат. Анын алкагында Нарын облусунун Кочкор районундагы жана Чүй облусунун Токмок шаарындагы мал базарларда ыкчам иштер жүргүзүлүүдө.
БИШКЕК, 15-ноя. — Sputnik. Кемин районунун аймагында 50дөн ашык жылкы жоголуп, милиция издөө иштерин жүргүзүүдө. Бул тууралуу Чүй облустук ички иштер башкармалыгынан билдиришти. Бул жерде эки кишинин малы тууралуу сөз болуп жатат.
22-октябрь күнү Кемин районунун ички иштер бөлүмүнө Боролдой айылында жайгашкан Коңур жайлоосунда малчы болуп иштеген 47 жаштагы жаран кайрылып, ал кайтарган жылкылардын 17си жоголуп кеткенин айткан.
Эшикти ачып жаткан адам. Архив - Sputnik Кыргызстан, 1920, 15.11.2021
Камактагы ууру акчаны үйдүн кайсы жерине катпаш керектигин айтып берген
Ал эми 2-ноябрь күнү Кемин райондук милициясына Бишкек шаарынын 48 жаштагы жашоочусу кайрылып, ошол эле Боролдой айылында жайгашкан Кара-Баткак жайлоосунан 22 баш жылкы жана 15 кулун жоголгонун билдирген.
Милиция эки факт боюнча тең КР Жазык кодексинин 200-беренеси ("Уурдоо") боюнча кылмыш ишин козгоп, ууруларды издеп жатат. Анын алкагында Нарын облусунун Кочкор районундагы жана Чүй облусунун Токмок шаарындагы мал базарларда ыкчам иштер жүргүзүлүүдө.
"Сотко чейинки өндүрүштө эки учурда тең мал жакшы кайтарылбай, жоголгону бир канча убакыттан кийин билинген", — деп айтылат милициянын билдирүүсүндө.
Буга чейин ИИМ уурулар көбүнчө малын кароосуз калтыргандардыкын айдап кетип жатканын айтып, сак болууга чакырган.
Жаңылыктар түрмөгү
0