https://sputnik.kg/20211103/bala-kabylandan-azhaldan-kalgan-videosu-1054464885.html
Туристтер кол чаап, кыйкырып жиберишти. Бала кабыландын ажалдан калган видеосу
Туристтер кол чаап, кыйкырып жиберишти. Бала кабыландын ажалдан калган видеосу
Sputnik Кыргызстан
Кабыландын баласынын аз жерден гиенага жем боло жаздап, бирок ыкчамдыгы менен кутулуп кеткени байкоо салып турган туристтерди кубандырып, ал тургай кол чаап... 03.11.2021, Sputnik Кыргызстан
2021-11-03T13:41+0600
2021-11-03T13:41+0600
2021-12-14T14:27+0600
коом
дүйнөдө
видео
мультимедиа
видеоклуб
түштүк африка
крюгер паркы
эне
кабылан
гиена
https://sputnik.kg/img/07e5/0b/03/1054464850_0:0:1274:720_1920x0_80_0_0_6f3321caa0bf63a7b677948a24a5b65c.jpg
Окуя Түштүк Африкадагы Крюгер жаратылыш паркында болгон. Четтен карап турган кишинин чыдамын кетирип, тыбырчылатып жиберген бул видеону 30 жаштагы эсепчи жана фотограф-гид Муса Варачи тартып алган.Алгач бадалдын түбүндө бугуп жаткан кабыландын баласын видео "бутага" алган. Муса Варачи эне-кабылан чоңоюп калган күчүгүн ошол жерге убактылуу жашырып тамак таап келүү үчүн кеткендигин байкаганын жазган. Алар бир нече кадр жасап, жуп жөнөй берерде алды жактагы жолдон гиеналардын тобу чыккан. Мындай кырдаал апкаарыткан туристтер кетип кала албай, окуянын андан ары кандай өнүгөрүнө байкоо салууга аргасыз болгон.Тарп аңдыган бул жаныбарлардын бири кабыландын баласы жаткан тарапка келип, ары-бери басып, туристтердин автоунаасын айланчыктап жүргөн. Бир маалда жыт алып калдыбы, айтор, түз эле кабыландын күчүгү жаткан бадалды көздөй жөнөгөн. Ал арада туристтердин кыйпычыктап, өз ара сүйлөшүп жатканын угууга болот.Коркунуч жакындап келгенин көргөн бала кабылан бир нече метр алысыраак өскөн дарактарды көздөй күчүнүн жетишинче чуркаган. Карылуу, алдуу-күчтүү гиена анын артынан сая түшүп, бир ирмемдерде бурдап өтө да жаздаган.Өмүр менен өлүм алышкан бул мүнөттөрдө бала кабылан бакка чыга качканга жетишкенде бир нече метр алысыраакта акмалап турган туристтер кол чаап, каткырып, кубаттап кыйкырып жиберишкен.Ал эми олжосун оозунан алдырган гиена ошол жерде айланып кала берген.
https://sputnik.kg/20211102/enesinen-kyzgangan-tamagynan-ayrylgan-kabylandyn-videosu-1054442883.html
түштүк африка
крюгер паркы
Sputnik Кыргызстан
media@sputniknews.com
+74956456601
MIA „Rosiya Segodnya“
2021
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
коом, дүйнөдө, видео, мультимедиа, видеоклуб, түштүк африка, крюгер паркы, эне, кабылан, гиена, турист
коом, дүйнөдө, видео, мультимедиа, видеоклуб, түштүк африка, крюгер паркы, эне, кабылан, гиена, турист
Туристтер кол чаап, кыйкырып жиберишти. Бала кабыландын ажалдан калган видеосу
13:41 03.11.2021 (Жаңыртылды: 14:27 14.12.2021) Кабыландын баласынын аз жерден гиенага жем боло жаздап, бирок ыкчамдыгы менен кутулуп кеткени байкоо салып турган туристтерди кубандырып, ал тургай кол чаап, кыйкырып жиберишти.
Окуя Түштүк Африкадагы Крюгер жаратылыш паркында болгон. Четтен карап турган кишинин чыдамын кетирип, тыбырчылатып жиберген бул видеону 30 жаштагы эсепчи жана фотограф-гид Муса Варачи тартып алган.
Алгач бадалдын түбүндө бугуп жаткан кабыландын баласын видео "бутага" алган. Муса Варачи эне-кабылан чоңоюп калган күчүгүн ошол жерге убактылуу жашырып тамак таап келүү үчүн кеткендигин байкаганын жазган. Алар бир нече кадр жасап, жуп жөнөй берерде алды жактагы жолдон гиеналардын тобу чыккан. Мындай кырдаал апкаарыткан туристтер кетип кала албай, окуянын андан ары кандай өнүгөрүнө байкоо салууга аргасыз болгон.
2 Жетинин айы 2021, 09:23
Тарп аңдыган бул жаныбарлардын бири кабыландын баласы жаткан тарапка келип, ары-бери басып, туристтердин автоунаасын айланчыктап жүргөн. Бир маалда жыт алып калдыбы, айтор, түз эле кабыландын күчүгү жаткан бадалды көздөй жөнөгөн. Ал арада туристтердин кыйпычыктап, өз ара сүйлөшүп жатканын угууга болот.
Коркунуч жакындап келгенин көргөн бала кабылан бир нече метр алысыраак өскөн дарактарды көздөй күчүнүн жетишинче чуркаган. Карылуу, алдуу-күчтүү гиена анын артынан сая түшүп, бир ирмемдерде бурдап өтө да жаздаган.
Өмүр менен өлүм алышкан бул мүнөттөрдө бала кабылан бакка чыга качканга жетишкенде бир нече метр алысыраакта акмалап турган туристтер кол чаап, каткырып, кубаттап кыйкырып жиберишкен.
Ал эми олжосун оозунан алдырган гиена ошол жерде айланып кала берген.
