Сокулук шайлоо округунан 7 талапкер ат салышууда. Тизме
03:10 02.11.2021 (Жаңыртылды: 14:27 14.12.2021)
© Sputnik
Жазылуу
Бул округда шайлоочулардын саны — 99 755. Алардын добушуна ээ болуу үчүн жети талапкер жарышка чыкты.
БИШКЕК, 2-ноя. — Sputnik. Борбордук шайлоо комиссиясы Чүй облусунун №24 Сокулук шайлоо округунан катталган талапкерлердин тизмесин жарыялады. Бул аймактан Жогорку Кеңештин депутаты мандаты үчүн жети жаран ат салышууда.
Талапкерлердин материалда көрсөтүлгөн ирети бюллетендеги катар номерине карап жазылды.
- Аширбаев Элкинбек Токтогонович, 28.10.1964, Бишкек техникалык институтунда "тамак-аш чыгаруу аппараттары жана машинасы" адистигин бүткөн. ТИМдин Дипломатиялык академиясынын "эл аралык мамилелер" факультетинде окуган. Жумушсуз;
- Карымшакова Гүлүйпа Өмүрзаковна, 30.04.1956, Бүбүсара Бейшеналиева атындагы Кыргыз мамлекеттик искусство институтунун "маданий-эс алуу ишмердиги" адистигин бүткөн. Жумушсуз;
- Жунусалиев Рамис Майрамбекович, 06.06.1984, Кыргыз улуттук университетинде "каржы жана кредит", Кыргыз мамлекеттик юридикалык академиясында "юриспруденция" адистигин аяктаган. Президенттин алдындагы мамлекеттик башкаруу академиясында "экономика" багыты боюнча окуган. Чүй облусунун "Сары-Өзөн" көк бөрү командасынын жетекчиси;
- Садалиев Улан Шейшенбекович, 06.06.1980, КР ИИМ Академиясында "юриспруденция", Кыргыз улуттук университетинде "соттук экспертиза" адистигин бүткөн. Президенттин алдындагы башкаруу академиясында "менеджмент" багыты боюнча магистратурада окуган. ИИМ академиясында "мамлекеттик жана муниципалдык башкаруу" адистигин аяктаган. Москва районунун акиминин биринчи орун басары;
- Абдылдаев Сооронбай Эргешович, 25.12.1961, Ош мамлекеттик педагогикалык институтунда "Кыргыз тили жана адабияты", Кыргыз мамлекеттик юридикалык академиясында "юриспруденция" адистигин окуган. "Ломбард "Рахат" ЖЧКнын негиздөөчүсү жана директору;
- Сарымсаков Каныбек Кубанычбекович, 11.08.1989, Ишеналы Арабаев атындагы Кыргыз мамлекеттик университетинде "дене тарбия" адистигин окуган. "Ынтымак фонду" коомдук фондунун негиздөөчүсү жана төрагасы;
- Кенжебаев Аманкан Батырбекович, 24.12.1967, Кыргыз улуттук университетинде "каржы жана кредит" адистигин бүткөн. Жумушсуз;
№24 округдагы шайлоочулардын саны — 99 755. Ага Сокулук районунун Шопоков шаары, Орок, Күн-Туу, Кызыл-Туу, Новопавловка, Военно-Антоновка, Фрунзе, Гавриловка, Сокулук, Кайназарова, Крупская, Төш-Булак, Асылбаш, Саз айыл аймактары кирет.
Бир мандаттуу округдан эң көп добуш алган талапкер Жогорку Кеңештин депутаты мандатын алат. Эгер добуштар тең чыгып калса, БШКга биринчи болуп документ тапшырганы жеңүүчү аталат.
