Кадамжай шайлоо округунан 18 талапкер аттанды. Аты-жөнү, билими, иштеген жери
02:25 31.10.2021 (Жаңыртылды: 14:27 14.12.2021)
© Sputnik
Жазылуу
Бул округда шайлоочулардын саны 112 968ди түзөт. Эң көп добуш алган бир гана талапкер ЖК депутаты мандатын ала алат.
БИШКЕК, 31-окт. — Sputnik. Борбордук шайлоо комиссиясы Баткен облусунун №3 Кадамжай шайлоо округунан көрсөтүлгөн талапкерлердин тизмесин жарыялады. Алардын саны 18ди түзөт.
- Бир мандаттуу округдан чыккан талапкерлер чүчү кулак кармоо менен тандалган бюллетендеги номерине карап, ирети менен жазылды.
- Максутов Мурсалим Султаналиевич, 17.01.1991, Жусуп Баласагын атындагы Кыргыз улуттук университетинин Юридика институтунда юриспруденция адистигин аяктаган. "АДЕКС интернейшнл" компаниясынын аткаруучу директору;
- Шамшидин уулу Абдулхамид, 14.03.1996, Махмуд Кашгари атындагы Чыгыш университетинде журналистика адистигин окуган. Убактылуу иштебейт;
- Акматов Айданбек Акматович, 16.09.1967, Кыргыз улуттук университетинде кыргыз тили жана адабияты адистигин аяктаган. Убактылуу иштебейт;
- Сыргабаев Замирбек Самаматович, 12.11.1975, Баткен мамлекеттик университетинде субтропика жана тамак-аш даамы технологиясы адистигин бүткөн. Кызыл-Кыя шаардык балдар-жаштар спорт мектебинин директору;
- Атажанов Ырысбек Ысламович, 27.11.1974, Кыргыз мамлекеттик курулуш, транспорт жана архитектура университетинде жол кыймылын уюштуруу адистигин бүткөн. Убактылуу иштебейт;
- Курванбаев Сүйүнбек Бурканидинович, 08.07.1980, Баткен мамлекеттик университетинин Экономика жана технология институтунда менеджмент адистигин аяктаган. Кызыл-Кыя шаардык кеңешинин депутаты;
- Досанов Нурбек Маликович, 31.10.1970, Кыргыз мамлекеттик курулуш, транспорт жана архитектура университетинде өнөр жай жана жарандык курулуш адистигин аяктаган. Экологиялык жана техникалык коопсуздук боюнча мамлекеттик инспекцияда жетекчинин орун басары;
- Насиров Абдижамил Жусупович, 27.01.1969, Вороженск мамлекеттик токой техникасы академиясында токой жана токой парктары чарбасы адистигин окуган. Кыргыз мамлекеттик улуттук университетинде юриспруденция адистигин бүткөн. Майдан айылдык кеңешинин депутаты;
- Маматалиева Өмүркан Турсуналиевна, 04.05.1973, Кыргыз билим берүү академиясында кыргыз тили жана адабияты адистигин бүткөн. "Алар Аква" компаниясынын директору;
- Талипов Нурали Орозалиевич, 28.04.1983, КР ИИМ академиясында юриспруденция адистигин бүткөн, убактылуу иштебейт.
- Садыкова Эркеайым Гүлбаевна, 22.04.1977, ОшМУда юриспруденция адистигин бүткөн. Жеке нотариус;
- Миркадыров Мухтар Мирсалиевич, 25.09.1956, Кыргыз айыл чарба институтунда айыл чарбасын механизациялоо адистигин бүткөн. Адвокат;
- Мамаюсупов Абдыхалил Шадманович, 28.09.1964, Кыргыз мамлекеттик медициналык академиясында фармация факультетин аяктаган. Жогорку Кеңештин аппаратында эксперт;
- Ганыев Каныбек Токтоматович, 30.09.1980, Кыргыз улуттук университетинде финансы жана кредит адистигин окуган. "Токтомат Ганыев" атындагы коомдук фондунун директору;
- Мурадилов Бекболот Мурадилович, 13.02.1995, Президенттин алдындагы мамлекеттик башкаруу академиясында мамлекеттик жана муниципалдык башкаруу багытында окуган. Убактылуу иштебейт.
- Алибеков Шерахмад Халилович, 14.10.1974, Кыргыз мамлекеттик техникалык университетинде экономика жана ишкана башкаруу адистигин аяктаган. "Хилил" компаниясынын директору;
- Маманова Розакан Султановна, 25.02.1979, Ош мамлекеттик юридикалык инситутунда юриспруденция адистигин аяктаган. Убактылуу иштебейт;
- Назарбаев Абдунаби Салыевич, 11.04.1964, Казакстан ИИМинин Караганда жогорку мектебинде укук таануу адистигин окуган. Учурда иштебейт.
№3 Кадамжай шайлоо округунда шайлоочулардын саны - 112 968. Ага Кызыл-Кыя шаары толугу менен, Кадамжай, Айдаркен шаарлары, Бирлик, Үч-Коргон, Чаувай, Абсамат Масалиев, Майдан, Марказ, Орозбеков, Көтөрмө айыл аймактары, Алга айыл аймагынын № 8147 шайлоо участкасы кирет.
