Радиостудия Sputnik Кыргызстан в Бишкеке - Sputnik Кыргызстан, 1920
Радио

Дүйшөналиев: каржы пирамидасына алдангандар Ысык-Көлдө көп

© Sputnik / Табылды КадырбековИчки иштер министрлигинин тергөө кызматынын улук тергөөчүсү Азамат Дүйшөналиев
Ички иштер министрлигинин тергөө кызматынын улук тергөөчүсү Азамат Дүйшөналиев  - Sputnik Кыргызстан, 1920, 25.10.2021
Жазылуу
Ички иштер министрлигинин тергөө кызматынын улук тергөөчүсү Азамат Дүйшөналиев Ысык-Көл облусунда каржы пирамидасы боюнча алдангандар көп катталып жаткандыгын айтты.
Ысык-Көлдө алтыдан көп каржы пирамидасы иш алып барып, жарандарды 23 миллион 228 миң сомго алдап кетишкен. Мындай маалыматты Азамат Дүйшөналиев Sputnik Кыргызстан радиосунун эфиринде маек куруп жатып билдирди.
Дүйшөналиев: каржы пирамидасына алдангандар Ысык-Көлдө көп
Анын айтымында, Ысык-Көлдө 2 281 жаран финансылык пирамидадан жабыркаган.
"Учурда өлкө аймагында каржы пирамидасынын курмандыгы болгон адамдардын саны көп. Мындай фактылар республиканын бардык аймагында бар. Өзгөчө каржы пирамидасы боюнча алдангандар Ысык-Көлдө көп болууда. Ал жерде алтыдан ашык финансылык пирамида иштеп, элди жалпы 23 миллион 228 миң сомго алдап, 2 281 адам алардын курмандыгы болгон. Экинчи орунда Талас облусу жайгашып, 512 жаран шылуундарга акчасын алдырып жиберген. Мындан тышкары, Бишкекте жаңы тогуз финансы пирамидасы аныкталып, "Финико" жана "Элиза үй буюмдары" шаар тургундарын алдап, каражатын алышкан. Өлкөдө үстүбүздөгү жылда 14 иш соттук кароого жиберилди. Анын ичинен Ысык-Көлдөн 11, Талас облусунун аймагынан эки жана Ош шаарынан бир иш соттук чечимге жеткен", — деди Дүйшөналиев.
Ошондой эле адис Кыргызстанда акыркы тогуз айда каржы пирамидасынан жалпы 132 миллион 614 миң сомдук заян келтирилип, 2 947 киши чыгым тартканын кошумчалады.
Жаңылыктар түрмөгү
0