Колуна кишен тагылып, жылмайган Саакашвили. Саясатчы кармалган видео

Жазылуу
Интернетте Грузиянын экс-президенти Михаил Саакашвилинин кармалган видеосу тарады. Анда көрүнүп тургандай, колуна кишен салынган Саакашвили жылмайып укук коргоо органдары менен имаратка кирип кеткен.
Мурдагы президент 1-октябрда Грузияда колго түшүрүлгөнүн РИА Новости премьер-министр Ираклий Гарибашвилинин айтымына таянып кабарлады.
Саакашвили буга чейин мекенине октябрда өтө турчу жергиликтүү өз алдынча башкаруу органдарынын шайлоосуна карата келе турганын айткан. Саясатчы буга чейин мамлекеттер аралык издөөдө болчу.
Омбудсмен Нино Ломджария Саакашвилинин айтымына таянып, кармоо учурунда полиция ага күч колдонбогонун билдирген.
"Саакашвили полиция аны батиринде кармаганын, аларга каршылык көрсөтпөгөнүн, тартип сакчылар да күч колдонбогонун айтты. Колго түшүрүү учурунда ал жалгыз болгон жана укук коргоо органдарына эшикти өзү ачып берген", — деген Ломджария.
Көчөдөн баса калып... ИИМ Женгонун жан сакчысын кармаган видеону жарыялады - Sputnik Кыргызстан, 1920, 26.07.2021
Көчөдөн баса калып... ИИМ "Женгонун" жан сакчысын кармаган видеону жарыялады
Ал арада "Грузинская мечта" партиясынын башчысы Ираклий Кобахидзе Саакашвили мекенине мамлекеттик төңкөрүш жасоо максатында келмек деген пикирин билдирген
Саакашвили 2013-жылы ноябрь айында жаңы президент шайланганда Грузиядан кеткен. Ал эми өлкөнүн прокуратурасы экс-президентке сыртынан бир нече берене боюнча айып таккан. Саакашвили банкир Сандро Гиргвлианинин өлүмү жана депутат Валерий Гелашвини сабаган иш боюнча сыртынан соттолгон. Биринчи иш боюнча ал үч жылга, экинчи иш боюнча алты жыл беришкен.
Жаңылыктар түрмөгү
0