Нышанов: депутаттар 5 аудитордон 100 миң доллардан алды деген кеп тарап жатат

© Фото / пресс-служба ЖК КРЖогорку Кеңештин депутаты Сайдулла Нышанов. Архив
Жогорку Кеңештин депутаты Сайдулла Нышанов. Архив - Sputnik Кыргызстан, 1920, 29.09.2021
Жазылуу
Эл өкүлү атайын кызмат тарабынан айтылып жаткан сөздүн чын-төгүнү далилденишин талап кылып, төрага Талант Мамытовго кайрылды.

БИШКЕК, 29-сен. — Sputnik. Жогорку Кеңештин депутаты Сайдулла Нышанов парламенттин Бюджет жана финансы комитетинин мүчөлөрү Эсеп палатасынын беш аудиторунан пара катары 100 миң доллардан алганы тууралуу кеп тарап жатканын айтты.

Ал мындай сөздү кесиптештери таратып жатканын белгилеп, атайын кызматтар чын-төгүнүн далилдеп беришин талап кылды.

"Казакстанга иш сапар менен барганда сүйлөшүп калсак биздин бир депутат "беш аудитор маселесин чечүү үчүн комитетке 100 миң доллардан чогултуп бериптир, бул боюнча атайын кызматтар иштеп жатат" деди. Бул олуттуу айыптоо деп ойлойм. Комитет эгер алган болсо атайын кызматтар текшерип аягына чыгарыш керек. Эгерде албаса, мындай күнөөлөө туура эмес. Ким алса ошонун аты-жөнүн чыгарыш керек. Урматтуу төрага, атайын кызматтарга ушуну текшерүүгө тапшырма бериңиз, тактап алалы", — деди Нышанов.

Ата Мекен фракциясынын депутаты Сайдулла Нышанов. Архив - Sputnik Кыргызстан, 1920, 06.09.2021
Депутат: тизменин алдындагылар 100 миң доллардан 1 миллионго чейин беришти
Аны менен катар депутат Өмүрбек Бакиров аудиторлор ордунда калсын деп чуркап жүргөнүн, ага да келип фракция лидери катары үч окуудан колдоп беришин суранганын айтты. Акча тууралуу кепти эки-үч депутаттан укканын белгиледи.

Белгилей кетсек, жаңы Конституция кабыл алынгандан кийин да Эсеп палатасынын аудиторлору өз мөөнөтү бүткөнгө чейин иштеши керектиги жазылган. Ал ортодо депутаттар аудиторлордун санын кыскартып, жаңыдан шайлоо боюнча мыйзам долбоорун алып чыккан.

Нышанов ушуга байланыштуу учурда иштеп жаткан аудиторлор өз ордунда калуу үчүн комитеттин мүчөлөрүнө акча берди деген кеп тараганын айтып жатат.

Жаңылыктар түрмөгү
0