Өкмөт Россия менен пошлинасыз бензиндин көлөмүн көбөйтүүнү сүйлөшүүдө

© Sputnik / Виталий Тимкив / Медиабанкка өтүүЦистерналар. Архив
Цистерналар. Архив - Sputnik Кыргызстан, 1920, 08.09.2021
Жазылуу
Энергетика министрлиги белгилегендей, өкмөттөр аралык макулдашууга ылайык, жыл сайын Кыргызстанга Россиядан 460 миң тонна пошлинасыз бензин алынат.

БИШКЕК, 8-сен. — Sputnik. Кыргызстандын министрлер кабинети экспорттук пошлинасыз берилүүчү бензиндин көлөмүн көбөйтүү боюнча Россиянын өкмөтү менен сүйлөшүүлөрдү жүргүзүүдө. Бул тууралуу өлкөнүн Энергетика жана өнөр жай министрлигинин маалымат кызматы билдирди.

Эске салсак, 3-сентябрда Кыргызстандын Нефтетрейдерлер биримдиги Россиянын мунайды кайра иштетүүчү заводдорунун продукцияларына экспорттук бажы алымынын колдонулушуна байланыштуу бензиндин литри 1,3-1,7 сомго кымбатташы мүмкүн деген божомолун айткан.

Май куюучу жай. Архив - Sputnik Кыргызстан, 1920, 08.09.2021
Бензин эмне үчүн Казакстанда бизге салыштырмалуу арзан? Түшүндүрмө
Энергетика министрлиги белгилегендей, өкмөттөр аралык макулдашууга ылайык, жыл сайын Кыргызстанга 460 миң тонна пошлинасыз бензин алынат. Азыркы тапта 398 миң тоннасы алып келинип, дагы 62 миңи калган.

Учурда берилүүчү бензиндин көлөмүн көбөйтүү боюнча сүйлөшүүлөр жүрүп жатат. Муну менен катар министрлик бензиндин наркы бир катар кошуна мамлекеттерге салыштырмалуу Кыргызстанда арзан экенин белгиледи.

Буга чейин нефтетрейдерлердин дагы бир бирикмеси (ассоциациясы) Россия өкмөтү сентябрь айына 19,3 долларлык пошлина бекиткенин, сом менен эсептегенде литрине 1,58-1,6 сом айырма болорун билдирген.

 

Жаңылыктар түрмөгү
0