Goal.com порталы маалымдагандай, оюн "Ницца" командасынын күйөрмандарынын ызы-чуусунан улам 75-мүнөттө токтотулган. Беттештин жүрүшүндө "Ниццанын" күйөрмандары отурган тараптан "Марсель" командасынын жарым коргоочусу Димитри Пайетага бөтөлкөлөр ыргытылып турган.
"Ниццанын" фанаттары чыдабай оюн талаасына чыгып, жыйынтыгында массалык мушташ башталган. Мушташка "Ницца" командасынын спортчулары да кошулган. Алардын жарымы фанаттарын жоошутса, теңи атаандаштары менен кармашканы айтылды.
Мындан улам оюн токтоп, бир саатка чукул эки команда тең трибуна жакта жүрүшкөн. Андан кийин арбитр кайра оюнду баштаган. "Ниццанын" футболчулары менен калыстар келип, бирок атаандаштары беттештен баш тартып койгону маалым болду. Мушташтан "Марсель" командасынын үч спортчусу жаракат алган. Фанаттар аларды муунтууга аракет кылганы айтылды.
