БИШКЕК, 22-авг. — Sputnik. Италиялык бизнесмен, "бийлеген миллионер" деп белгилүү болгон Жанлука Вакки TikTok баракчасына "Байдын кызын аламын" аттуу казак ырына бийлеген видеосун жүктөдү.
"Жашоо сонун, эгер ага бир аз тентектикти кошуп койсо", — деп жазган Вакки.
Sputnik Казакстан агенттиги "Байдын кызын аламын" ыры чет элдик белгилүү адамдардын көңүл чордонунда болушу биринчи ирет эместигин белгилейт. Жазында россиялык блогерлер да ушул чыгармага видеолорду тартып чыгарышкан.
"Байдын кызын аламын" чыгармасын казакстандык ырчы Алмат Асыланбек бир нече жыл мурун аткарып чыккан. Быйыл соцтармактардын жардамы менен ал ырына экинчи өмүр берилди.
