Радиостудия Sputnik Кыргызстан в Бишкеке - Sputnik Кыргызстан, 1920
Радио

Алишеров: ЕАЭБге экспорт өткөн жылга салыштырмалуу 70%га өстү

© Sputnik / Асель СыдыковаЭкономика жана финансы министринин орун басары Элдар Алишеров
Экономика жана финансы министринин орун басары Элдар Алишеров - Sputnik Кыргызстан, 1920, 15.08.2021
Жазылуу
Экономика жана финансы министринин орун басары Элдар Алишеров учурунда ар кандай кооптонууларга карабастан ЕАЭБге кирүү туура чечим болгонун белгиледи.

Өткөн жылга салыштырмалуу ЕАЭБ алкагында Кыргызстандын соода жүгүртүүсү 30, экспорт 70, импорт 20 пайызга өстү. Бул тууралуу Элдар Алишеров Sputnik Кыргызстан радиосунда маек куруп жатып билдирди.

Алишеров: ЕАЭБге экспорт өткөн жылга салыштырмалуу 70%га өстү

Анын айтымында, көрсөткүчтөр 2021-жылдын беш айынын жыйынтыгы боюнча чыгарылган.

"ЕАЭБге кирүү боюнча талкуулар өлкөдө эки-үч жыл жүрдү. Бул убакытта саясий-экономикалык талдоолор жүргүзүлүп натыйжасында өлкө аталган уюмга кирүү чечимин кабыл алган. Ошол учурда айрым эксперттер "уюмга киргенде өлкөдө гиперинфляция болот, ишканалар жабылат, ички дүң өндүрүм төмөндөп, атаандаштыкка туруштук бере албай калабыз" деген кооптонууларды билдирген. Бирок ошого карабастан статистика деген факт. Ага кайрыла турган болсок, уюмга киргенден бери пандемия учурун эске албаганда өлкөнүн ИДӨсү төрт пайыздан жогору өсүш болуп турду. Инфляция дагы коюлган чектен, жети пайыздан өткөн жок. 2014-2015-жылдары ишкерлер күтүү режиминде болгон. Ошого байланыштуу соода жүгүртүү төмөндөгөн. Анткен менен 2019-2020-жылдары бул багытта өсүш болду. Мисалы, 2021-жылы Кыргызстандын ЕАЭБ өлкөлөрүнө экспорт 70, соода жүгүртүү 30, импорт 20 пайызга өскөн. Албетте, 2020-жылы пандемияга байланыштуу экономикалык көрсөткүчтөр төмөндөп кеткенин эске алуу зарыл. Ошого карабастан бул жылы экономика калыбына келе баштаганын байкоого болот", — деди Алишеров.

Ошондой эле ал Кыргызстан ЕАЭБге 2015-жылы мүчө болгонун кошумчалады.

Подкасттын толук вариантын видеодон көрүңүз:

Жаңылыктар түрмөгү
0