БИШКЕК, 10-авг. — Sputnik. Бишкектин Чүй проспектинде маршрутканын жүргүнчүсү каза болду. Бул тууралуу ЖМКлар жазды.
Ыкчам медицина борборунун директорунун орун басары Егор Борисов маалыматты ырастады. Анын айтымында, Тез жардам кызматына чакыруу саат 8:50дө түшүп, бригада 9:10до барып калган.
Медиктер кишинин каза болуп калганын аныктаган, бирок азырынча себеби белгисиз. Маркумдун ким экени дагы тактала элек. Алдын ала маалымат боюнча, ал 30 жашта болчу.
