Медиктердин айлыгын көбөйтүү үчүн 1,6 миллиард сом бөлүндү

© Sputnik / Табылды КадырбековОоруканадагы дарыгер. Архив
Ооруканадагы дарыгер. Архив - Sputnik Кыргызстан, 1920, 03.08.2021
Жазылуу
Президент Садыр Жапаровдун ушул жылдын февраль айындагы жарлыгы менен медиктердин айлык акысы 50 пайызга жогорулаган.

БИШКЕК, 3-авг. – Sputnik. Өкмөт медицина кызматкерлеринин айлыгын көтөрүү үчүн кошумча 1 миллиард 612 миң сом бөлдү. Анын ичинен 333 миллион 265,2 миң сому июль айындагы маянага кошулат. Бул тууралуу Саламаттык сактоо жана социалдык өнүктүрүү министрлигинен билдиришти.

Маалыматка караганда, 1-июлдан тарта дарыгер жана башка медициналык персоналдын айлыгы 50 пайызга көтөрүлдү. Ал эми техникалык кызматтарды көрсөткөн кенже персоналдын айлыгынын негизги бөлүгүнө 1,4 коэффициент белгиленди.

"Ошондо кошумчадан кийин орточо айлык мындай болуп калды: дарыгерлер —12 897 сом (мурда 8 598 сом болчу), орто медициналык персонал — 11 739 сом (мурда 7 826 сом болчу), техникалык кызмат көрсөткөн кенже персонал 9 989 сом (мурда 6 659 сом болчу) алат", — деп айтылат билдирүүдө.

Эске салсак, президент Садыр Жапаровдун ушул жылдын февраль айындагы жарлыгы менен медиктердин айлык акысы 50 пайызга жогорулаган.

Жаңылыктар түрмөгү
0