БИШКЕК, 3-авг. — Sputnik. Кыргызстандын грек-рим күрөшү боюнча балбаны Атабек Азисбеков Олимпада оюндарынын коло байгеси үчүн ат салышат. Анткени аны баштапкы этапта жеңип алган венгриялык Виктор Лёринц финалга чыкты.
Венгер балбаны Лёринц египеттик атаандашын 7:2 эсебинде утту.
87 килограмм салмакта күч сынашкан кыргыз балбаны атаандашы Виктор Лёринцке баштапкы этапта 6:1 эсебинде утулуп калган болчу. Венгриялык спортчу финалга чыгып, Атабек Азисбеков көңүл жубатуучу таймашта германиялык Денис Кудла менен чыгат.
