Токио Олимпиадасына барчу КРдин командасына ким капитан болору аныкталды

Государственный флаг КР - Sputnik Кыргызстан, 1920, 08.07.2021
Жазылуу
НовостиTelegram
Атабек Азисбеков 2019-жылы дүйнө чемпионатында бешинчи орунду камсыздап, өлкөдө биринчилерден болуп Токио оюндарына лицензия алууга жетишкен.
БИШКЕК, 8-июл. — Sputnik. Грек-рим күрөшүнүн балбаны Атабек Азисбеков Токио Олимпиадасына барчу Кыргызстандын улуттук командасынын капитаны болуп дайындалды. Бул тууралуу өлкөнүн Күрөш федерациясы билдирди.
"Мамлекет башчы Садыр Жапаров балбан Азисбековго Олимпиада оюндарынын расмий ачылыш салтанатында көтөрүлө турган Кыргызстандын мамлекеттик туусун тапшырат", — деп айтылган аталган федерациянын маалыматында.
Токио Олимпиадасынын расмий ачылышы 23-июлда Токио шаарындагы улуттук стадиондо өтүп, ал 8-августка чейин созулат.
 Белгилүү балбандардын машыктыруучусу Мейрамбек Ахметов. Архив - Sputnik Кыргызстан, 1920, 22.05.2021
Сыймык! Бегалиевди таптаган Ахметов Олимпиада оюндарында рефери болот
Жайкы Олимпиада оюндары 2020-жылы өтмөк, бирок коронавирус пандемиясынан улам ал быйылкы жылга калтырылган болчу.
Эске салсак, төрт жылда бир өтүүчү эң ири спорттук мелдешке Кыргызстандан 18 спортчу жолдомо алган. Тагыраагы, күрөш боюнча тогуз, жеңил атлетика боюнча төрт, ошондой эле оор атлетика, дзюдо, фехтование, ок атуу, сууда сүзүү боюнча бирден лицензия бар.
Атабек Азисбеков 2019-жылы дүйнө чемпионатында бешинчи орунду камсыздап, өлкөдө биринчилерден болуп Токио оюндарына лицензия алууга жетишкен.
Жаңылыктар түрмөгү
0