"Кыргыз темир жолуна" 32 жаштагы жаңы директор дайындалды

© Фото / пресс-служба ГП "Кыргыз Темир Жолу""Кыргыз темир жолу" мамлекеттик ишканасынын башкы директору Азамат Сакиев
Кыргыз темир жолу мамлекеттик ишканасынын башкы директору Азамат Сакиев  - Sputnik Кыргызстан, 1920, 28.06.2021
Жазылуу
Yandex newsTelegram
Ишкананын мурдагы башкы директору Василий Дашков коррупцияга айыпталып учурда УКМКнын тергөө абагында кармалууда.
БИШКЕК, 28-июн. — Sputnik. "Кыргыз темир жолу" мамлекеттик ишканасына башкы директор болуп Азамат Сакиев дайындалды. Бул тууралуу аталган ишкананын маалымат кызматы кабарлады.
Тиешелүү буйрукка министрлер кабинетинин төрагасы Улукбек Марипов кол койгон. Анын талапкерлигин өкмөткө Мамлекеттик мүлктү башкаруу фонду сунуштаган.
Архитектура, курулуш жана турак жай-коммуналдык чарба мамлекеттик агенттигинин директору болуп дайындалган Уланбек Калманбетов - Sputnik Кыргызстан, 1920, 08.06.2021
Уланбек Калманбетов Архитектура, курулуш агенттигин жетектемей болду
Ишкананын мурдагы башкы директору Василий Дашков коррупцияга айыпталып учурда УКМКнын тергөө абагында кармалууда. Ал мамлекетке келтирген зыяндын жалпы көлөмү 1,5 миллиард сомдон ашканы белгиленет.
Азамат Сакиев 32 жашта, жогорку окуу жайды Малайзиядан бүтүрүп, менеджмент адистигине ээ болгон. "Кыргыз темир жолу" ишканасында эмгек жолун 2019-жылы баштаган. Соңку убакта материалдык-техникалык камсыздоо боюнча филиалынын мамлекеттик сатып алуулар бөлүмүн жетектеп турган.
Жаңылыктар түрмөгү
0