Victoria's Secret кымча бел сулуулардын ордуна ийгиликтүү аялдарды тартууда. Себеби
09:02 18.06.2021 (Жаңыртылды: 14:27 14.12.2021)
© AFP / Getty Images for Victoria's Secret/Dia Dipasupil
Жазылуу
Компаниянын жетекчисинин айтымында, бренд эркектерге эмне жагат деген идея менен иштеп келген. Эми аялдардын мүмкүнчүлүгүн ишке ашырууга көмөктөшүүнү ниет кылышууда.
БИШКЕК, 18-июн. — Sputnik. Ич кийимдердин бренди Victoria's Secret "периштенин" канаты менен чыгып таанылган кымча бел кыздарынан баш тартууну чечти. Бул тууралуу The New York Times жазды.
Посмотреть эту публикацию в Instagram
Эми дене түзүлүшү менен көз жоосун алган бийкечтердин ордун ар тармакта ийгиликке жетишкен айымдар ээлейт. Бул компаниянын жаңы саясаты экени айтылат.
Посмотреть эту публикацию в Instagram
Бренддин жаңы жүздөрүнүн катарын футболчу Меган Рапино, лыжачы Эйлин Гу, модель жана адвокат Палома Эсслер толуктаган.
Посмотреть эту публикацию в Instagram
Ошондой эле журналист жана фотограф Аманда де Кадене, актриса Приянка Чопра, модель-трансгендер Валентина Сампайо, манекенчи жана Түштүк Судандан качкын болгон Адут Акеч компаниясынын модели бар.
Посмотреть эту публикацию в Instagram
"Биз аалам менен кошо өзгөрүүгө шашылбаптырбыз. Эркектерге эмне жагат деп эле жүрүптүрбүз. Эми аялдарга эмне керек деген ой менен иштөөнү чечтик", — деген компаниянын директору Мартин Уотерс.
Ал бренд аялдардын укугун коргоп, мүмкүнчүлүктөрүн ишке ашырууга чоң көмөк көрсөтүүнү ниет кылып жатканын кошумчалаган. Жаңы фирманын өзүнүн директорлор кеңеши түзүлүп, ага дээрлик аялдар мүчө болот.
Victoria's Secret компаниясынын "периштеси" деп ар кайсы учурларда Каролина Куркова, Хайди Клум, Жизель Бундхен, Адриана Лима жана башкалар аталган. Бренддин жыл сайын боло турчу шоусу биринчи жолу 1995-жылы өткөн.
