Ташиев "Кумтөр" иши боюнча экс-президенттер да кармаларын эскертти

© Фото / Пресс-служба правительства/ Алишер АлиевУКМКнын төрагасы Камчыбек Ташиев. Архив
УКМКнын төрагасы Камчыбек Ташиев. Архив - Sputnik Кыргызстан, 1920, 02.06.2021
Жазылуу
Ташиев эгер аткаминерлердин коррупциялык ишке барганы далилденсе мамлекеттин келечеги үчүн эч кимди аябай турганын эскертти.
БИШКЕК, 2-июн. — Sputnik. "Кумтөр" кени боюнча ачылган кылмыш ишинин алкагында мурдагы президенттер камалышы мүмкүн. Бул тууралуу УКМКнын төрагасы Камчыбек Ташиев билдирди.
Атайын кызматтын башчысы бул иштин айланасында эч кандай саясий куугунтук жок экенин белгиледи.
"Кимдин тиешеси болсо кыргыз элинин алдында жазага тартууга милдеттүүбүз. Биз ошол милдетибизди аткарып жатабыз. Ал жерде мурдагы премьер-министрлер, спикерлер, депутаттар, мамлекеттик чоң кызматта иштегендер бар. Керек болсо мурунку президенттерди дагы жоопко тартышыбыз мүмкүн. Себеби алардын да түздөн-түз тиешеси бар. Кумтөр кенин акыркы 25 жылда талап-тоноп, анын айланасында чиновниктер марионетка болуп калганын элибиз көрдү. Мындан ары эми андай болбойт", — деди Ташиев.
Ошондой эле ал кармалып жаткан саясатчыларды колдоп митингге чыккан тарапташтарына кайрылып, эгер коррупциялык ишке барган болсо мамлекеттин келечеги үчүн эч кимди аябай турганын эскертти.
Жаңылыктар түрмөгү
0