https://sputnik.kg/20210529/kaldyk-saktoochu-zhaj-kumtor-1052655750.html
Өкмөт уулуу калдыкты казып, 106 тонна алтын алууга белсенди. Кумтөрдөн видео
Өкмөт уулуу калдыкты казып, 106 тонна алтын алууга белсенди. Кумтөрдөн видео
Sputnik Кыргызстан
Кумтөрдүн калдык сактоочу жайынын аянты 400 гектар. Алтын ылгап алгандан кийин чыккан уулуу заттарды ушул жерге алып келип төгүшөт. Бүгүнкү күндө сакталып... 29.05.2021, Sputnik Кыргызстан
2021-05-29T16:37+0600
2021-05-29T16:37+0600
2021-12-14T14:27+0600
жаңылыктар
кыргызстан
коом
экономика
видео
мультимедиа
кумтөр
калдык
алтын
динара кутманова
https://sputnik.kg/img/07e5/05/1d/1052655714_8:0:1600:900_1920x0_80_0_0_464ed6f29fd041c6dc8dcfe6e4ee7d49.jpg
Уулуу калдык менен кошо 106 тонна алтын жатканы айтылат. Учурда кыргыз өкмөтү ошол алтынды жана казып алуунун технологиясын изилдеп жаткан учуру. Sputnik Кыргызстандын кабарчысы Кумтөр кениндеги кырдаал менен жеринен таанышып келди.Деген менен Экология жана климат боюнча мамлекеттик комитеттин төрайымы Динара Кутманова азыркы учурда суу цианид кошулмасы менен эле агып жатканын белгиледи.Ошондой эле ал калдык сактоочу жайдын жыл сайын катмары калыңдашы, анын үстү жагындагы Петров көлүнүн жээги жакшы бекемделбегени да кооптуулук жаратып жатканын айтат.Буга чейин Мамлекеттик комиссиянын төрагасы Акылбек Жапаров бул жердеги 106 тонна алтын өлкө эсебине өткөрүлөрүн айткан. Анын билдиришинче, беш-алты жылда баарын казып алып, 5,2 миллиард доллар пайда тапса болот. Адистер мунун техникалык долбоорлоо негиздемесин бир жылдын ичинде даярдайт.
https://sputnik.kg/20210528/kumtor-syrtky-bashkaruu-ozgoruu-1052648040.html
Sputnik Кыргызстан
media@sputniknews.com
+74956456601
MIA „Rossiya Segodnya“
2021
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
жаңылыктар, кыргызстан, коом, экономика, видео, мультимедиа, кумтөр, калдык, алтын, динара кутманова, суу, текшерүү, "кумтөргө" 3 миллиард доллар айып салынышы
жаңылыктар, кыргызстан, коом, экономика, видео, мультимедиа, кумтөр, калдык, алтын, динара кутманова, суу, текшерүү, "кумтөргө" 3 миллиард доллар айып салынышы
Өкмөт уулуу калдыкты казып, 106 тонна алтын алууга белсенди. Кумтөрдөн видео
16:37 29.05.2021 (Жаңыртылды: 14:27 14.12.2021) Кумтөрдүн калдык сактоочу жайынын аянты 400 гектар. Алтын ылгап алгандан кийин чыккан уулуу заттарды ушул жерге алып келип төгүшөт. Бүгүнкү күндө сакталып турган уулуу калдыктын көлөмү 95 миллион кубга жетти.
Уулуу калдык менен кошо 106 тонна алтын жатканы айтылат. Учурда кыргыз өкмөтү ошол алтынды жана казып алуунун технологиясын изилдеп жаткан учуру. Sputnik Кыргызстандын кабарчысы Кумтөр кениндеги кырдаал менен жеринен таанышып келди.
Деген менен Экология жана климат боюнча мамлекеттик комитеттин төрайымы Динара Кутманова азыркы учурда суу цианид кошулмасы менен эле агып жатканын белгиледи.
"Бул суу, албетте, текшерилет, компания өндүрүштүк мониторинг жүргүзөт. Өздөрү текшергенде цианиддин калдыктары бар деген маалыматтар чыгып жатпайбы. 2012-жылы Германия, Словениянын лабораториясы, парламенттик комиссия иштеп жаткан учурда Улуттук ядролук борбор, Кадамжай санэпидем борбору, 4-5 лаборатория текшерип, баарынын эле маалыматтары окшош чыккан. Оор металлдардын концентрациясы ашып кеткени айтылган. Цианид болгон. Азыр деле мындан чыгып жаткан сууда цианиддин калдыгы бар", — деди Кутманова.
Ошондой эле ал калдык сактоочу жайдын жыл сайын катмары калыңдашы, анын үстү жагындагы Петров көлүнүн жээги жакшы бекемделбегени да кооптуулук жаратып жатканын айтат.
"Мунун эле өйдө жагында, маңдайында Петров көлү бар. Экөөнүн аралыгы 5 чакырым. Ошонун суусу ашып келсе бул жакты дароо жууп кетет. Дамбадагы цианиддин баары Кумтөр суусуна кетет", — деди өлкөнүн башкы экологу.
Буга чейин Мамлекеттик комиссиянын төрагасы Акылбек Жапаров бул жердеги 106 тонна алтын өлкө
эсебине өткөрүлөрүн айткан. Анын билдиришинче, беш-алты жылда баарын казып алып, 5,2 миллиард доллар пайда тапса болот. Адистер мунун техникалык долбоорлоо негиздемесин бир жылдын ичинде даярдайт.
