https://sputnik.kg/20210522/isa-omurkulov-uulu-zhol-kyrsyk-ish-zhab-1052573312.html
Иса Өмүркуловдун уулунун велосипедчен кызды сүзүп кеткени боюнча иш жабылды
Иса Өмүркуловдун уулунун велосипедчен кызды сүзүп кеткени боюнча иш жабылды
Sputnik Кыргызстан
Жол кырсыктан жабыркаган кыз Азамат Өмүркуловго эч кандай доосу жок экенин кат түрүндө жазып берген. 22.05.2021, Sputnik Кыргызстан
2021-05-22T13:27+0600
2021-05-22T13:27+0600
2021-12-14T14:27+0600
жаңылыктар
коом
кыргызстан
иса өмүркулов
азамат өмүркулов
жол кырсык
өндүрүш
иш
милиция
2021-жылдын башынан бери кыргызстанда болгон жол кырсыктар
https://sputnik.kg/img/102094/12/1020941224_0:187:2548:1629_1920x0_80_0_0_dc08644238592824fefe57c4121638c4.jpg
БИШКЕК, 22-май — Sputnik. Жогорку Кеңештин депутаты Иса Өмүркуловдун уулу Азамат Өмүркуловго карата ачылган сотко чейинки өндүрүш иши токтотулду. Бул тууралуу Бишкек ШИИБдин маалымат кызматы кабарлады.Эске салсак, 16-май күнү депутаттын уулу Азамат Өмүркуловдун Бишкектеги Токтоналиев менен Түштүк магистраль көчөлөрүнүн кесилишинен велосипедчен кызды сүзүп кеткени маалым болгон. Жабыркаган тараптын баш мээси чайкалып, Тез жардам кызматы менен ооруканага жеткирилген. Бирок ал ооруканага жатуудан баш тарткан.Ал эми айдоочунун жол кырсык катталган учурда мас абалында болгону аныкталган.Буга байланыштуу сотко чейинки өндүрүш иши Жазык-процессуалдык кодексинин 26-беренесине ("Иш боюнча өндүрүштү жокко чыгаруучу жагдайлар") ылайык токтотулганы айтылды. Жол кыймылынын эрежелерин бузгандыгы үчүн Өмүркуловго Бузуулар кодексинин 122-123-беренелери боюнча 22 500 сом өлчөмүндө айып пул салынган.Белгилей кетсек, депутаттын уулу буга чейин да жол кырсыгына себепчи болгон. Анда 2011-жылдын август айында Бишкектин чыга беришиндеги айланма жолдо (Дунларов көпүрөсү) кырсык болуп, үч киши көз жумган. Трагедияга ошол учурда шаар мэри болуп турган Иса Өмүркуловдун баласы Азамат Өмүркулов күнөөлүү деп табылган. ЖМКлардын жазганы боюнча, ал катуу ылдамдык менен баратып каршы тилкеге чыгып кеткен. Ошол эле жылы ноябрь айында жабырлануучу тарап арызынан баш тартканы үчүн иш токтогон. Бирок Азамат Өмүркулов жазасын алышы керектигин айтып, өзү арыз жазган. Сот отуруму бир нече жолу жылдырылган болчу. Ошентип сот Азамат Өмүркуловду шарттуу түрдө жети жылга эркинен ажыраткан.
https://sputnik.kg/20190711/zhol-kyrsygyna-katyshkan-kaza-bolgon-atkaminerler-tizme-1045021884.html
Sputnik Кыргызстан
media@sputniknews.com
+74956456601
MIA „Rossiya Segodnya“
2021
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
жаңылыктар, коом, кыргызстан, иса өмүркулов, азамат өмүркулов, жол кырсык, өндүрүш, иш, милиция, 2021-жылдын башынан бери кыргызстанда болгон жол кырсыктар
жаңылыктар, коом, кыргызстан, иса өмүркулов, азамат өмүркулов, жол кырсык, өндүрүш, иш, милиция, 2021-жылдын башынан бери кыргызстанда болгон жол кырсыктар
Иса Өмүркуловдун уулунун велосипедчен кызды сүзүп кеткени боюнча иш жабылды
13:27 22.05.2021 (Жаңыртылды: 14:27 14.12.2021) Жол кырсыктан жабыркаган кыз Азамат Өмүркуловго эч кандай доосу жок экенин кат түрүндө жазып берген.
БИШКЕК, 22-май — Sputnik. Жогорку Кеңештин депутаты Иса Өмүркуловдун уулу Азамат Өмүркуловго карата ачылган сотко чейинки өндүрүш иши токтотулду. Бул тууралуу Бишкек ШИИБдин маалымат кызматы кабарлады.
Эске салсак, 16-май күнү депутаттын уулу Азамат Өмүркуловдун Бишкектеги Токтоналиев менен Түштүк магистраль көчөлөрүнүн кесилишинен велосипедчен кызды сүзүп кеткени маалым болгон. Жабыркаган тараптын баш мээси чайкалып, Тез жардам кызматы менен ооруканага жеткирилген. Бирок ал
ооруканага жатуудан баш тарткан.
Ал эми айдоочунун жол кырсык катталган учурда
мас абалында болгону аныкталган.
"Соттук-медициналык экспертизанын жыйынтыгына ылайык, М.Ж. аттуу кыз жол кырсыктан жеңил жаракат алган. Ал кат түрүндө Азамат Өмүркуловго карата эч кандай доосу жок экенин билдирген", — деп айтылат маалыматта.
Буга байланыштуу сотко чейинки өндүрүш иши Жазык-процессуалдык кодексинин 26-беренесине ("Иш боюнча өндүрүштү жокко чыгаруучу жагдайлар") ылайык токтотулганы айтылды. Жол кыймылынын эрежелерин бузгандыгы үчүн Өмүркуловго Бузуулар кодексинин 122-123-беренелери боюнча 22 500 сом өлчөмүндө айып пул салынган.
Белгилей кетсек, депутаттын уулу буга чейин да жол кырсыгына себепчи болгон. Анда 2011-жылдын август айында Бишкектин чыга беришиндеги айланма жолдо (Дунларов көпүрөсү) кырсык болуп, үч киши көз жумган. Трагедияга ошол учурда шаар мэри болуп турган Иса Өмүркуловдун баласы Азамат Өмүркулов күнөөлүү деп табылган. ЖМКлардын жазганы боюнча, ал катуу ылдамдык менен баратып каршы тилкеге чыгып кеткен. Ошол эле жылы ноябрь айында жабырлануучу тарап арызынан баш тартканы үчүн иш токтогон. Бирок Азамат Өмүркулов жазасын алышы керектигин айтып, өзү арыз жазган. Сот отуруму бир нече жолу жылдырылган болчу. Ошентип сот Азамат Өмүркуловду шарттуу түрдө жети жылга эркинен ажыраткан.
