Открытие редакционного центра Sputnik Кыргызстан в Бишкеке - Sputnik Кыргызстан, 1920, 20.12.2021
Пресс-борбор

Депутат Алтыбаева: ала качуу мыйзамын катаалдаштыруу каралууда

© Sputnik / Таалайгуль УсенбаеваДепутат Айнуру Алтыбаева. Архив
Депутат Айнуру Алтыбаева. Архив - Sputnik Кыргызстан, 1920, 19.05.2021
Жазылуу
Yandex newsTelegram
Депутат ала качуу боюнча көбүрөөк алдын алуу иштерин жүргүзүү керектигин айтып, айрыкча күз мезгилинде "ала качуу — салт эмес, кылмыш" деген маанидеги социалдык роликтерди ТВ, ЖМК аркылуу көбүрөөк жайылтуу зарылдыгына токтолду.
БИШКЕК, 19-май — Sputnik. Ала качуу боюнча 175-беренени ("Адамды никеге туруу максатында уурдоо") 170-беренесине ("Адам уурдоо") кошпой эле коёлу дедик. Бул тууралуу Жогорку Кеңештин депутаты Айнуру Алтыбаева билдирди.
Белгилей кетсек, Sputnik Кыргызстан агенттигинин маалымат борборунда "Уурдалып, өлтүрүлгөн кыздар: бийлик аларды кантип коргойт" аттуу тегерек стол өттү.
"Бурулай, Айзаданын окуяларынан кийин Жогорку Кеңеште чоң талкуу болду. Айрым кесиптештер 175-беренени 170 беренесине ("Адам уурдоо") кошууну сунуштады. Бирок бул өзгөчө кылмыш болгондуктан, аны адам уурдоого кошпой өзүнчө бир катар ченемдерди койдук. Тагыраагы, "Адамды никеге туруу максатында уурдоо" деп калтырып, болгону аны катаалдаттык. Мыйзам долбоору даяр болгон, учурда талкууда. Эл өкүлдөрү менен ошол ченемдерди макулдашканга аракет кылабыз", — деди Алтыбаева.
Жогорку Кеңештин депутаты ала качуу боюнча көбүрөөк алдын алуу иштерин жүргүзүү керектигин айтып, айрыкча күз мезгилинде "ала качуу — салт эмес, кылмыш" деген маанидеги социалдык роликтерди ТВ, ЖМК аркылуу көбүрөөк жайылтуу зарылдыгына токтолду.
Жаңылыктар түрмөгү
0