Иерусалимде (Израиль) сыйынуучулар жана кечилдер (монах) бейшемби күнү Ыйык сыйынуу чиркөөсүндө Иисус Христостун сөөгү коюлган Кувуклиянын айланасында жүрүш жасашты.
Баткен облусунда командалык-штабдык жана мобилизациялык аскердик окуу-машыгуу өткөрүлсө, АКШнын Алабама штатында катуу торнадо болуп, бир нече киши каза тапкан.
Кыргызстанда 1-апрелде аба ырайы кескин өзгөрүп, кар жаап, бороон-чапкын менен коштолду. Соцтармактарда кышкы кийимин, унаалардын жайкы дөңгөлөктөрүн чечкен бишкектиктерге табият өзүнчө тамашасын тартуулаганы айтылды.
Мандалайда (Мьянма) 1-февралда болгон аскердик төңкөрүшкө каршы митинг өтсө, Испаниянын Севилья шаарында улуттук кийимдердин салттуу мода көргөзмөсү уюштурулду.
Каирде (Египет) египеттик 22 фараондун мумиясы жаңы музейге көчүрүлүп, ал чоң салтанат менен коштолду.
Өлкөнүн туризм министри Халед аль-Анани буга чейин жаңы музейге ташылган мумиялар мамлекет башчылары катары урматтала тургандыгын айткан.
