Мындай катуу тиреш чанда болот. "Ынтымактын" "Достукту" утуп алган видеосу

Жазылуу
Көк бөрү боюнча республикалык турнирдин финалында "Ынтымак" менен "Достук" командалары бүйүр кызыткан кызыктуу оюн тартуулады. Катуу даярдык менен келген улакчылар бири-бирине катуу айбат көрсөттү.
Оюндун биринчи бөлүгүндө "Ынтымактын" чабуулчусу Нуржан Мелисбек уулу эсеп санын ачты. Экинчи салымды Дастан Сагынбек уулу жасап, 2:0 эсеби менен бүттү.
Деген менен экинчи таймда "Достук" күчтөнүп, Султан Русланов жана Майрамбек Рыспеков  атаандаштарынын тай казанына удаа-удаа улак ыргытты. Ошентип эсеп саны 2:2 болуп теңелди.
Чечүүчү делген үчүнчү бөлүктүн алгачкы мүнөттөрүндө кайра эле "Достуктун" оюнчусу Бекболсун Алтынбек уулу бир салым кошту. Анын артынан Эрсултан Айдаркан уулу дагы бир улак таштады.
Достук менен Ынтымактын кыл чайнашы. Кан дүргүткөн буллиттин видеосу - Sputnik Кыргызстан, 1920, 21.03.2021
"Достук" менен "Ынтымактын" кыл чайнашы. Кан дүргүткөн буллиттин видеосу
Бирок "Ынтымактын" оюнчулары кайра эки улак салып койду.
Ошентип негизги оюнда командалар 4:4 эсеби менен тең чыкты. Мындан улам жеңүүчүнү аныктоо үчүн кошумча 10 мүнөт берилди. Мында дагы эсеп саны өзгөргөн жок.
Андан соң оюндун шарты боюнча буллит дайындалды. Бирок анда кан-жанын аябай ойногон тажрыйбалуу улакчылар атаандашына жөн гана утулуп берген жок. Биринин артынан бири тай казанга улак ыргытып жатышты. Акыры алтынчы улакты салганда "Достуктун" оюнчусу жаза басты. Натыйжада 6:5 менен "Ынтымак" командасы жеңүүчү аталды.
Нооруз майрамына карата уюштурулган бул мелдеш көк бөрү легендалары Болот Шер, Болот Шамшиев жана Темир Дүйшекеевдин жаркын элесине арналды.
Жаңылыктар түрмөгү
0