Баш байгени жулуп алган "Кара-Бууранын" улакчылары. 1-лигадагы кызыктар видеодо

Жазылуу
Чолпон-Атада Нооруз майрамына карата салтка айланган Көк бөрү боюнча республикалык турнир өттү. Биринчи лиганын финалына "Кара-Буура" жана "Жети-Өгүз командалары чыкты.
Оюндун биринчи бөлүгүндө атаандаштар тай казанга бирден улак салууга жетишти. Оюндун экинчи бөлүгүндө "Жети-Өгүздүн" оюнчусу Руслан Чыныбек уулу жекеме-жекеден улакты эңип чыккан. Ошол учурда каршылашы Ниязбек Мадалбек уулу капталдан урдуруп, атаандашы аттан кулап түштү. Катуу жаракат алган оюнчуга медиктер чакыртылып, аны тез жардам унаасы алып кетти.
Байгеге карышкыр да коюлду. Дача СУдагы бүйүр кызыткан аламан улактын видеосу - Sputnik Кыргызстан, 1920, 06.03.2021
Байгеге карышкыр да коюлду. Дача СУдагы бүйүр кызыткан аламан улактын видеосу
Ал эми үчүнчү таймдын бүтөрүнө 2 мүнөт калганда "Кара-Буура" командасы бир салым жасап, жеңишти колдон жулуп кеткендей болду.
Натыйжада 2:1 эсеби менен утуп, биринчи орунду камсыздады.
Биринчи лигада жалпы жонунан 21 бир команда күч сынашты. Байге фонду төмөнкүчө болду:
  • 1-орун, "Кара-Буура" командасы — 100 000 сом;
  • 2-орун, Жети-Өгүз" командасы — 50 000;
  • 3-орун, "Бакубат Талас" командасы — 30 000;
  • 4-орун, "Сокулук" командасы — 20 000 сом.
Бул мелдештер көк бөрү легендалары Болот Шерниязов, Болот Шамшиев, Темир Дүйшекеевдин жаркын элесине арналып, "Ачык чемпионат" деген аталыш менен уюштурулду.
Жаңылыктар түрмөгү
0