Радиостудия Sputnik Кыргызстан в Бишкеке - Sputnik Кыргызстан, 1920
Радио

Сооронбаев: начар уйку инфаркт, инсульт жана кант диабетин чакырат

© Sputnik / Табылды КадырбековМедицина илимдеринин доктору, профессор Талант Сооронбаев
Медицина илимдеринин доктору, профессор Талант Сооронбаев - Sputnik Кыргызстан, 1920, 17.03.2021
Жазылуу
Yandex newsTelegram
Медицина илимдеринин доктору, профессор Талант Сооронбаев жакшы уктабаган адамда кант диабети, жүрөк оорулары, инсульт пайда болуп, ден соолук кескин начарлап кетерин айтты.
Сооронбаев: начар уйку инфаркт, инсульт жана кант диабетин чакырат
Ар бир адам уйкусуна көңүл бурбаса көп оорулар күчөп, организмди терс өзгөрүүлөргө дуушар кылат. Мындай маалыматты Талант Сооронбаев Sputnik Кыргызстан радиосунун эфиринде маек учурунда билдирди.
Анын айтымында, адам өлүмүнө алып келген учурлар да уйкуга байланыштуу болот.
"Адам уктап жатканда дем алуусу начар болсо бул чоң көйгөйдү жаратат. Анткени уйку абдан маанилүү. Ар бир адам ден соолугу жакшы болуусун кааласа уйкусуна көңүл бурушу кажет. Эгерде адам уктап жатканда дем алганы улам токтоп кыйналса дарыгерге кайрылышы керек. Дүйнөдө миллиондогон адам түндө уктай албай жабыр тартат. Мисалы, жакшы уктабаган адамда кант диабети, жүрөк оорулары, инсульт пайда болуп, ден соолугу кескин начарлайт. Коңурук тартып, дем алганы улам токтогондордун 50 пайызында инсульт катталат. Жол кырсыктарынын натыйжасы да уйкусуздуктан келип чыгат. Негедир көпчүлүк уйкуга маани бербей жатат", — деди Сооронбаев.
Ошондой эле дарыгер жакшы уктабаган адамдарда бат семирип кетүү коркунучу болорун кошумчалады.
Жаңылыктар түрмөгү
0