Тромб пайда кылат. AstraZeneca вакцинасын колдонууну токтоткон өлкөлөр көбөйдү

© AFP / JOEL SAGETФлакон с вакциной AstraZeneca
Флакон с вакциной AstraZeneca - Sputnik Кыргызстан, 1920, 16.03.2021
Жазылуу
AstraZeneca компаниясы вакцина коопсуз экенин, кан тамырларында тромб пайда болгон адамдардын саны алар божомолдогондон алда канча төмөн экенин айтууда.
БИШКЕК, 16-мар. — Sputnik. Латвия, Австрия, Эстония, Литва, Люксембург, Дания, Болгария, Норвегия, Исландия, Словения, Кипр, Италия, Франция, Германия жана Испания сыяктуу бир катар өлкөлөр COVID-19га каршы AstraZeneca компаниясы иштеп чыккан вакцинаны колдонууну токтотуп коюшту. Бул тууралуу РИА Новости жазды.
Ал эми Венесуэла мамлекетинин вице-президенти Делси Родригес препаратка өз аймагында уруксат бербей турганын билдирди.
FOCUS порталынын жазганына караганда, Германиянын Саламаттык сактоо министрлиги аталган препарат сайылгандан кийин кан тамырдын бүтөлүп калышы (тромбоз) тууралуу билдирүүлөр түшкөн соң вакцинаны дагы тереңдеп изилдеп көрүүнү чечкен.
Вена шаары, Австрия - Sputnik Кыргызстан, 1920, 11.03.2021
Алапайын таппай... Европанын коронавирус жана Россияга каршы күрөшүнүн жагдайы
Ал эми Франциянын президенти Эммануэль Макрон Европанын Дары-дармектер агенттиги (ЕМА) вакцинанын коопсуздугу тууралуу пикирин айтмайынча өз өлкөсүндө аны пайдалануу токтотулганын билдирди.
Ушундай эле билдирүүнү расмий Рим таратты. Италия бийлиги дагы ЕМА уюмунун расмий жыйынтыгын күтүүнү туура көрүп жатат.
Ал эми AstraZeneca компаниясы вакцина коопсуз экенин, кан тамырларында тромб пайда болгон адамдардын саны алар божомолдогондон алда канча төмөн экенин айтууда.
Вакцинаны британ-швед фармацевтикалык AstraZeneca компаниясы Оксфорд университети менен биргеликте жасаган.
Эске салсак, саламаттык сактоо министри Алымкадыр Бейшеналиев Кыргызстанга март айында коронавируска каршы даярдалган AstraZeneca компаниясынын вакцинасы 504 миң дозада алып келинерин айткан эле.
Жаңылыктар түрмөгү
0