Өзбекстанга Садыр Жапаров баштаган чоң делегация кетти. Курамы
12:33 11.03.2021 (Жаңыртылды: 22:51 15.12.2021)
© Пресс-служба президента КР / Султан ДосалиевУчакка көтөрүлүп жаткан Кыргызстандын президенти Садыр Жапаров. Архив
![Учакка көтөрүлүп жаткан Кыргызстандын президенти Садыр Жапаров. Архив Учакка көтөрүлүп жаткан Кыргызстандын президенти Садыр Жапаров. Архив - Sputnik Кыргызстан, 1920, 11.03.2021](https://sputnik.kg/img/07e5/03/0b/1051732818_5:0:2835:1592_1920x0_80_0_0_2592404fc6f2433b577ab55d681b8982.jpg)
Жазылуу
Мамлекеттик сапардын алкагында көп тараптуу кызматташуунун актуалдуу маселелери, мындан аркы өнүгүүнүн жана натыйжалуу алака түзүүнүн келечеги талкууланат.
БИШКЕК, 11-мар. — Sputnik. Кыргызстандын президенти Садыр Жапаров бүгүн, 11-мартта, Өзбекстанга мамлекеттик сапар менен жөнөп кетти. Бул тууралуу президенттин маалымат кызматынан билдиришти.
Иш сапардын алкагында Садыр Жапаров Өзбекстандын президенти Шавкат Мирзиёев менен тараптуу сүйлөшүүлөрдү жүргүзөт.
Мындан сырткары, Жапаровдун Өзбекстандын Олий Мажлисинин сенатынын төрайымы Танзила Нарбаева, Олий Мажлистин мыйзам чыгаруу палатасынын спикери Нурдинжон Исмоилов жана Өзбекстандын премьер-министри Абдулла Арипов менен жолугары пландалып жатканы белгиленди.
Соода-экономикалык мамилелерди өнүктүрүү максатында кыргыз-өзбек бизнес форумун өткөрүү дагы мерчемделүүдө.
Кыргызстандын делегациясынын курамы:
- Руслан Казакбаев — тышкы иштер министри;
- Улукбек Кармышаков — вице-премьер-министр, экономика жана каржы министри;
- Азизбек Турсунбаев — Жогорку Кеңештин депутаты;
- Дастан Дюшекеев — президенттин аппаратынын тышкы саясат бөлүмүнүн башчысы;
- Ибрагим Жунусов — Кыргызстандын Өзбекстандагы атайын жана толук ыйгарым укуктуу элчиси;
- Аскарбек Жаныбеков — айыл, суу чарба жана аймактарды өнүктүрүү министри;
- Кайрат Иманалиев — маданият, маалымат, спорт жана жаштар саясаты министри;
- Алымкадыр Бейшеналиев — саламаттык сактоо жана социалдык өнүктүрүү министри;
- Гүлмира Абдралиева — транспорт, архитектура, курулуш жана коммуникациялар министри;
- Алмазбек Бейшеналиев — билим берүү жана илим министри;
- Кубанычбек Турдубаев — энергетика жана өнөр жай министри;
- Алмамбет Шыкмаматов — Инвестицияларды илгерилетүү жана коргоо боюнча мамлекеттик агенттиктин директору;
- Нурлан Кирешеев — Кыргызстандын Куралдуу күчтөрүнүн Генералдык штабынын башчысынын биринчи орун басары;
- Өмүрбек Субаналиев — өкмөттүн Баткен облусундагы ыйгарым укуктуу өкүлү;
- Абсаттар Сыргабаев — өкмөттүн Жалал-Абад облусундагы ыйгарым укуктуу өкүлү;
- Сабыркул Ашымбаев — өкмөттүн Нарын облусундагы ыйгарым укуктуу өкүлү;
- Жарасул Абдураимов — өкмөттүн Ош облусундагы ыйгарым укуктуу өкүлү;
- Мырзабек Жыпаркулов — Экологиялык жана техникалык коопсуздук боюнча мамлекеттик инспекциянын директору;
- Уларбек Шаршеев — Кыргызстандын Улуттук коопсуздук боюнча мамлекеттик комитетинин Мамлекеттик чек ара кызматынын төрагасы;
- Алмазбек Акматалиев — Кыргызстандын президентине караштуу Мамлекеттик башкаруу академиясынын ректору.