Мал ууруларын кармоо рейдинде изделип жаткан өспүрүм табылды

© Sputnik / Михаил ВоскресенскийКишенделген жаран. Архив
Кишенделген жаран. Архив - Sputnik Кыргызстан, 1920, 09.03.2021
Жазылуу
Райондук милиция 5-9-март күндөрү "Мал уурулугу" аттуу рейд жүргүзүп, ага ички иштер органдарынын бир нече кызматы тартылган. Анын алкагында изделип жаткан өспүрүм табылды.
БИШКЕК, 9-мар. — Sputnik. Базар-Коргон райондук милициясы изделип жаткан өспүрүмдүн жүргөн жерин аныктап, мал уурулук фактысынын бетин ачышты. Бул тууралуу Жалал-Абад ОИИБдин маалымат кызматы кабарлады.
Ага ылайык, райондук милиция 5-9-март күндөрү "Мал уурулугу" аттуу рейд жүргүзүп, ага ички иштер органдарынын бир нече кызматы тартылган.
"Иш-чаранын алкагында дайынсыз жоголгон жашы жете элек өспүрүм Бишкекте жүргөнү аныкталып, ата-энесине өткөрүлүп берилди. Ошондой эле уурулук фактысына шектелген жаран да Бишкек шаарынан кармалып, тергөө кызматына өткөрүлдү. Мындан тышкары, мал-жандык ташып алектенген 58 айдоочуга түшүндүрүү иштери жүргүзүлдү", — деп айтылат маалыматта.
Мындай рейд облустун башка аймактарында да жүргүзүлүп жатат.
Жаңылыктар түрмөгү
0