Автоунааны жазга кантип даярдаш керек. Эксперттин кеңеши

© Sputnik / Алексей Куденко / Медиабанкка өтүүАвтоунаалар. Архив
Автоунаалар. Архив - Sputnik Кыргызстан, 1920, 06.02.2021
Жазылуу
Адис автокөлүктү жайында азыраак айдаса көп көйгөй жаралбастыгын, ал эми күн суук учурда токтотуп коюу терс таасирин тийгизерин билдирди.
БИШКЕК, 6-фев. — Sputnik. Автоунааны кышында жазга чейин такыр эле айдабай токтотуп коюуга болбой тургандыгын Sputnik радиосуна Москвадагы автомобиль-жол боюнча мамлекеттик университетинин окутуучусу Лев Зиманов айтып берген.
Анын айтымында, эгерде автокөлүктү жайында азыраак айдаса көп көйгөй жаралбайт, ал эми күн суук учурда токтотуп коюу терс таасирин тийгизет. Андыктан кышында автоунааны колдонуп, иштетип, жок дегенде айына эки ирет айдап чыгып туруш керек.
"Кыш мезгилинде машина аз жүргөндүктөн, анын ысып турушунда, тетиктеринин иштешинде маселе жаралат. Жок дегенде эки аптада бир жолу кеминде 10-12 чакырымга саатына 90 ылдамдык менен айдаш керек", — деген аталган окуу жайдын доценти Зиманов.
Кар жолдогу автоунаа. Архив - Sputnik Кыргызстан, 1920, 29.01.2020
Авто адис тайгакта тормозду басуудагы каталарды санап берди
Анын айтымында, күн суукта гаражга токтотуп койгон темир тулпарды жазга алдын ала даярдаш керек. Ал үчүн стандарт катары кабыл алынган сунуштар бар.
"Жаздын алдында бир жарым же эки ай мурда гаражга кирип, тормоз жана бири-бири менен чиркелген механизмдерди "кыймылга келтирген" желим элементтерди майлаш үчүн педалды улам-улам басып туруш керек", – деп кеңеш берген Зиманов Sputnik радиосуна берген маегинде.
Буга чейин Sputnik автоэкспертке таянып, айдоочулардын кайсы жаман адаттары автоунаага зыянын тийгизерин жарыялаган.
Жаңылыктар түрмөгү
0