Кыргызстанда былтыр ымыркайлар аз төрөлдү. Статистика

© Sputnik / Таалайгуль УсенбаеваЖаңы төрөлгөн ымыркайлар. Архив
Жаңы төрөлгөн ымыркайлар. Архив - Sputnik Кыргызстан
Жазылуу
2019-жылы республика боюнча 173 601 наристе жарык дүйнөгө келген. Ал эми каза тапкандар салыштырмалуу арбын катталган.
БИШКЕК, 22-янв. — Sputnik. Кыргызстанда 2020-жылы төрөлгөн ымыркайлардын саны салыштырмалуу азайып, ал эми көз жумгандар көбөйгөн. Бул тууралуу Мамлекеттик каттоо кызматынан билдиришти.
Маалыматка караганда, 2020-жылы Кыргызстанда 158 174 ымыркай төрөлгөн. Бул мурдагы жылга салыштырмалуу 15 427ге аз.
Ал эми өткөн жылы республикада 40 001 өлүм катталса, 2019-жылы 33 317 адам көз жумган. Каза тапкандар салыштырмалуу 6 684кө көп болууда.
Маалымат үчүн:
  • "Жарандык абалдын актылары жөнүндө" мыйзамга ылайык, баланын туулгандыгы тууралуу арыз бала төрөлгөн күндөн бир айдан кечиктирилбестен берилүүгө тийиш;
  • Баланын туулгандыгын каттоого алуу ымыркай төрөлгөн медициналык уюм тарабынан белгиленген үлгүдө берилген маалым кат аркылуу жүргүзүлөт;
  • Бала үйдө төрөлгөндө дарыгер же медициналык башка кызматкер, Саламаттык сактоо министрлигинин ыйгарым укуктуу органы берген туулгандыгы тууралуу маалым кат менен каттоого алынат;
  • Баланын ата-энесинин алардын инсандыгын ырастаган документтери, никелешүү тууралуу күбөлүгүнүн (никеси жок болгон учурда, энесинин инсандыгын ырастаган документтер) негизинде жүргүзүлөт.
Ата-энесинин (атасынын же энесинин) өздөрүнүн инсандыгын ырастаган документтери жок болгон учурда кандай болот?
Ымыркайдын төрөлгөнүн каттоого алуу туулгандыгы боюнча актынын көчүрмөсү менен туулгандыгы тууралуу актыга жазуу жүргүзүү аркылуу жүзөгө ашырылат.
Бул көчүрмө ата-энесинин (атасы же энеси) инсандыгын ырастаган документтерин көрсөткөн учурга чейин социалдык жана медициналык кызмат көрсөтүүлөрдү алуу укугун камсыз кылуучу документ менен теңдештирилет.
Баланын туулгандыгы тууралуу күбөлүгү атасы же энесинин алардын инсандыгын ырастаган документтерин көрсөткөндө берилет.
Жаңылыктар түрмөгү
0