https://sputnik.kg/20210119/samara-karimova-sot-chechim-direktor-1051160832.html
Самара Каримова азырынча директор боло албайт. Райсоттун чечими жокко чыкты
Самара Каримова азырынча директор боло албайт. Райсоттун чечими жокко чыкты
Sputnik Кыргызстан
Министрликтин жогорку инстанцияга 30 күндүн ичинде кайрылуу укугу бар болчу. Арадан 28 күн өткөндөн кийин даттануу түшкөн. 19.01.2021, Sputnik Кыргызстан
2021-01-19T18:27+0600
2021-01-19T18:27+0600
2021-12-14T14:27+0600
жаңылыктар
коом
кыргызстан
самара каримова
соттук чечим
даттануу
маданият министрлиги
https://sputnik.kg/img/103471/50/1034715086_0:158:4080:2465_1920x0_80_0_0_4cd8b88b987da0a22a68499dd657cec5.jpg
БИШКЕК, 19-янв. — Sputnik. Ырчы Самара Каримова музыкалык окуу жайдын директору кызматын кайтарып алуу боюнча соттун чечими күчүн жоготту. Бул туурасында анын арызын караган Бишкектин Биринчи май райондук сотунун маалымат кызматы кабарлады.Буга Маданият, маалымат жана туризм министрлигинин Бишкек шаардык сотуна даттанганы себеп болду.Министрлик райондук соттун чечимине макул болбой, соттогу ишенимдүү өкүл мурдагы министр тарабынан бекитилгенин жана иштин эки жылдан кийин каралганы мыйзамсыз болгонун жүйө келтирген.Апелляциялык даттануу түшкөндүгүнө байланыштуу райондук соттун чечими мыйзамдуу күчүнө кире электиги белгиленет.Эске салсак, КРдин эмгек сиңирген артисти Самара Каримова Оштогу Ниязалы Борошев атындагы музыкалык окуу жайына соттун чечими менен директор болуп келген. Бирок аны эмгек жамааты кабыл албай, бир топ талаш-тартыш жаралууда. Ал эми кечээ, 18-январда, кечинде директордун кабинетинин эшигин буздуруп кирген.Ырчы аталган музыкалык орто окуу жайына директор болуп 2018-жылдын октябрында дайындалып, эки күндөн кийин ал буйрук кайра жокко чыгарылган.Ошол кездеги маданият, маалымат жана туризм министри Азамат Жаманкулов дайындоо мыйзамсыз болгонун билдирген.Каримова экс-министрдин чечимин сотко берип утуп алганы быйыл 13-январда маалым болду.
https://sputnik.kg/20210118/kajrat-primberdiev-kr-ehmgek-sinirgen-artisti-naamy-1051146756.html
Sputnik Кыргызстан
media@sputniknews.com
+74956456601
MIA „Rossiya Segodnya“
2021
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
жаңылыктар, коом, кыргызстан, самара каримова, соттук чечим, даттануу, маданият министрлиги
жаңылыктар, коом, кыргызстан, самара каримова, соттук чечим, даттануу, маданият министрлиги
Самара Каримова азырынча директор боло албайт. Райсоттун чечими жокко чыкты
18:27 19.01.2021 (Жаңыртылды: 14:27 14.12.2021) Министрликтин жогорку инстанцияга 30 күндүн ичинде кайрылуу укугу бар болчу. Арадан 28 күн өткөндөн кийин даттануу түшкөн.
БИШКЕК, 19-янв. — Sputnik. Ырчы Самара Каримова музыкалык окуу жайдын директору кызматын кайтарып алуу боюнча соттун чечими күчүн жоготту. Бул туурасында анын арызын караган Бишкектин Биринчи май райондук сотунун маалымат кызматы кабарлады.
Буга Маданият, маалымат жана туризм министрлигинин Бишкек шаардык сотуна даттанганы себеп болду.
Министрлик райондук соттун чечимине макул болбой, соттогу ишенимдүү өкүл мурдагы министр тарабынан бекитилгенин жана иштин эки жылдан кийин каралганы мыйзамсыз
болгонун жүйө келтирген.
"Министрликтин өкүлү берилген ишеним катка ылайык доону моюнга алууга укугу болгон. Ошондой эле бул ишеним кат чакыртып алынып же жокко чыгарылган эмес. Ошол себептен 2020-жылдын 17-декабрында Биринчи май райондук сотунун чечими менен Самара Каримованын доо-арызы канааттандырылган. Ал эми жогорку инстанцияга 30 күндүн ичинде кайрылуу тараптардын укугу бар болчу. 15-январда Маданият министрлиги доо-арыз менен даттанды", — деп айтылат маалыматта.
Апелляциялык даттануу түшкөндүгүнө байланыштуу райондук соттун чечими мыйзамдуу күчүнө кире электиги белгиленет.
Эске салсак, КРдин эмгек сиңирген артисти Самара Каримова Оштогу Ниязалы Борошев атындагы музыкалык окуу жайына соттун чечими менен директор болуп келген. Бирок аны эмгек жамааты кабыл албай, бир топ талаш-тартыш жаралууда. Ал эми кечээ, 18-январда, кечинде директордун кабинетинин эшигин буздуруп кирген.
Ырчы аталган музыкалык орто окуу жайына директор болуп 2018-жылдын октябрында дайындалып, эки күндөн кийин ал буйрук кайра жокко чыгарылган.
Ошол кездеги маданият, маалымат жана туризм министри Азамат Жаманкулов дайындоо мыйзамсыз болгонун билдирген.
Каримова экс-министрдин чечимин сотко берип утуп алганы быйыл 13-январда маалым болду.
