Нарында Audi менен Toyota Estima сүзүшүп, бир адам каза болду

© Sputnik / Табылды КадырбековДорожный указатель "Опасный поворот налево"
Дорожный указатель Опасный поворот налево - Sputnik Кыргызстан
Жазылуу
Шаркыратма аймагында болгон кырсыктан Ат-Башы районунун 63 жаштагы тургуну көз жумганы айтылды.
БИШКЕК, 10-янв. — Sputnik. Бишкек — Торугарт жолунда катталган автоунаа кырсыгы бир адамдын өмүрүн алды. Бул тууралуу Нарын ОИИБдин маалымат кызматы кабарлады.
Маалыматка караганда, кырсык 9-январь күнү саат 12:15тер чамасында Нарын районунун Шаркыратма аймагында болгон.
"Ат-Башы районунун 63 жаштагы тургуну өзүнүн Audi 100 үлгүсүндөгү унаасы менен баратып, Toyota Estima менен кагышкан. Кырсыктын кесепетинен Audi автоунаасынын айдоочусу жаракат алып, ооруканага жеткирилгенден кийин каза болгон. Аталган машинада жүргүнчү катары бара жаткан 22 жаштагы адам оорукананын кайра жандандыруу бөлүмүнө жаткырылган", — деп жазылат маалыматта.
Кырсыктын кесепетин аныктоо боюнча соттук-медициналык экспертиза дайындалганы айтылды.
Жаңылыктар түрмөгү
0