БИШКЕК, 18-дек. — Sputnik. Миграция кызматынын Маалыматтык-консультациялык борборунда пандемия шартында иштөөгө ылайыкталган конференц-зал ачылды. Бул тууралуу аталган ведомстводон билдиришти.
Маалыматта жарандарды чет өлкөдө жумушка орноштуруу жана эмгек миграция жаатында мамлекеттик органдардын чет өлкөлөр менен маалымат алмашууда такталган маалыматтарды ыкчам жеткирүү максатында ачылганы айтылат. Ошондой эле пандемия шартында иш-чараларды онлайн өткөрүүгө кеңири шарт түзүлгөнү белгиленет.
Конференц-зал бүгүн, 18-ноябрда, Мигранттардын эл аралык күнүнө карата пайдаланууга берилген. Муну колдонуу менен бүгүн ZOOM платформасы аркылуу өлкөнүн Миграция кызматы, Эл аралык миграция уюму жана БУУнун Миграция агенттиги менен биргеликте видеоконференция өткөрүүдө.
