Путин Байденди шайлоодогу жеңиши менен куттуктады

© Sputnik / Алексей Дружинин / Медиабанкка өтүү Россия президенти Владимир Путин. Архив
 Россия президенти Владимир Путин. Архив - Sputnik Кыргызстан
Жазылуу
Россия башчысы Американын жаңы президенти менен өз ара кызматташууга жана байланыштарга даяр экендигин белгиледи.

БИШКЕК, 15-дек. — Sputnik. Россия президенти Владимир Путин саясатчы Жо Байденди АКШда өткөн президенттик шайлоодогу жеңиши менен куттуктады. Бул тууралуу Кремлдин сайты жазды.

Путин куттуктоо телеграммасын жөнөтүп, Байдендин ишине ийгилик каалаган.

"РФ президенти глобалдык коопсуздук жана стабилдүүлүк үчүн өзгөчө жоопкерчилик алган Россия менен АКШ ар кандай келишпестиктерге карабастан учурда аалам дуушар болуп жаткан көйгөйлөрдү жана чакырыктарды чечүүгө салым кошо алат деген ишенимин билдирди", — деп айтылат маалыматта.

Путин орус-америка кызматташтыгынын маанилүүлүгүн белгилеген.

"Мен сиздер менен өз ара кызматташууга даярмын", — деген ал.

Бүгүн АКШда шайлоочулардын добуш берүүсү аяктады. Жыйынтыгында Байден тандоочулардын 306, ал эми учурдагы президент Дональд Трамп 202 добушун алган.

Жаңылыктар түрмөгү
0