Комплекстүү машыгууга Куралдуу күчтөрдүн Генералдык штабынын жетекчилиги менен өкмөттүн Чүй облусунун өкүлчүлүгүнүн, Бишкек мэриясынын, Саламаттык сактоо министрлигинин, Өзгөчө кырдаалдар министрлигинин, Ички иштер министрлигинин өкүлдөрү, ошондой эле "Элдик кошуундар кеңеши" коомдук бирикмесинин төрагасы байкоо салып турду.
Атайын сценарий боюнча, өлкөдөгү нааразычылыктардан улам массалык башаламандык жаралып, талап-тоногондор күч алып, абактан да өзгөчө кооптуу кылмышкерлер качып кетет. Бийлик өзгөчө абал режимин киргизүүгө аргасыз болот. Блокпостко жаалданган топ келип, бирок Элдик кошуун менен сүйлөшкөндөн кийин артка кайтышат. Бирок бир аздан кийин постко куралчандар басып кирип, аскерлер менен атышып, акыры багынышат.
Куралдуу күчтөрдүн Генералдык штабынын башчысы Таалайбек Өмүралиевдин айтымында, машыгуу кийинки жылдагы саясий шайлоолор менен референдумга карата өткөрүлүп жатканын айтты. Бул иш-чараларда коопсуздукка Куралдуу күчтөр да көз сала турганын белгиледи.
