БИШКЕК, 25-ноя. — Sputnik. Бир дагы дары-дармек адамды коронавирустан 100 пайыз коргой албайт, бирок COVID-19га каршы вакцина аны жуктуруп алган күндө дагы жеңил формада өтүүсүнө жардам берет. Бул тууралуу инфекционист, вакцинолог Евгений Тимаковго шилтеме берип РИА Новости жазды.
"Бир дагы вакцинация адамды коронавирустан 100 пайыз коргой албайт. Өзгөчө көп күч келип калса, кандай гана вакцина болбосун гриппке дагы, кызамыкка дагы, коронавируска дагы толук кандуу каршы туруп бербейт", — деди адис.
21 Тогуздун айы 2020, 09:56
Анын айтымында, вакцина вируска каршы иммунитеттин бат калыптанышына жардам берет.
"Вакцина албаган организмге вирус жугуп калса, ага каршы иммунитет 5-7 күндүн ичинде араң калыптанат. Ал эми вакцина вирус организмге киргендин эртеси күнү эле толугу менен иммунитетти иштете баштайт. Демек, инфекция жугушу мүмкүн, бирок оору күчөп кетпейт", — деди Тимаков.
Ошондой эле адис вакцина өлүмдү азайтууга жана жасалма дем алдыруучу аппаратка жатып калбоого жардам берерин кошумчалады.
