Кыргызстанда карьералык кадрлар резерви түзүлүүдө. Курамына кирүү шарттары

Жазылуу
Улуттук жана карьералык кадрлар резервинде турган адамдар мамлекеттик жана муниципалдык кызматтын жогорку жана башкы, өзгөчө тартипте дайындала турган бош кызмат орундарына дайындоого сунушталат.

БИШКЕК, 8-ноя. — Sputnik. Мамлекеттик кадр кызматы Карьералык кадрлар резервин түзүүгө киришти. Бул тууралуу аталган кызматтан кабарлашты.

Резерв Улуттук кадрлар резервинен, мамлекеттик жана жергиликтүү өз алдынча башкаруу органдарынын ички кадрлар резервинен, ошондой эле тажрыйбалуу, квалификациясы жогору жетекчилерден, адистерден, жаштар өкүлдөрүнөн түзүлөт.

Кадр кызматынын башчылыгына мурдагы вице-премьер барды

"Тандоо учурунда өлкөнү өнүктүрүү үчүн иштей турган жаш муунга өзгөчө басым жасалат", - деп айтылат маалыматта.

Резервге кирүү шарттары:

  • Кыргыз Республикасынын жараны;
  • тажрыйбалуу жана квалификациясы жогору жетекчи жана адис;
  • жаштардын өкүлү;
  • мамлекеттик жана муниципалдык кызмат орундары үчүн конкурсттук тандоо процедурасына өткөн эмес болсоңуз;
  • мамлекеттик жана муниципалдык кызмат орундарына конкурстук тандоонун жыйынтыгы боюнча дайындалган эмес болсоңуз.

Конкурска катышуу үчүн керек документтер:

  • форма боюнча жеке арыз /public/images/file_library/2020110623191210.docx;
  • форма боюнча сүрөтү менен кошо резюме /public/images/file_library/2020110618054215.docx ;
  • негизги жана кошумча билими бар экендигин тастыктоочу документтердин көчүрмөсү, нотариустан же акыркы иштеген жеринде күбөлөндүрүлгөн негизги жана кошумча билимин ырастаган документтердин көчүрмөлөрү;
  • нотариустан же акыркы иштеген жеринде күбөлөндүрүлгөн эмгек китепчесинин көчүрмөсү;
  • илимий даражаны жана илимий наамды ыйгаруу жөнүндө документтердин көчүрмөлөрү (бар болсо);
  • паспорттун көчүрмөсү (түп нускасы конкурска келгенде көрсөтүлөт).

Документтерди Мамлекеттик кадр кызматына 2020-жылдын 1-декабрына чейин тапшыруу керек (Чүй пр., 122, 314-каб).

Жаңылыктар түрмөгү
0
Алгач жаңыларыАлгач эскилери
loader