Финпол: мурдагы өкмөт башчы Абылгазиев суракка келди

© Фото / пресс-служба правительства/ Алишер АлиевПремьер-министр Мухаммедкалый Абылгазиев
Премьер-министр Мухаммедкалый Абылгазиев - Sputnik Кыргызстан
Жазылуу
НовостиTelegram
Финпол экс-премьерге Кыргызстандан сыртка чыгууга тыюу салынганын кабарлап, эгер ал чет өлкөгө чыгууга аракет кылса, кармала турганы айтылган.

БИШКЕК, 21-окт. — Sputnik. Экс-премьер-министр Мухаммедкалый Абылгазиев Финполго суракка келди. Бул тууралуу Экономикалык кылмыштарга каршы күрөшүү кызматынан кабарлашты.

Финполдун маалымат кызматы азырынча мурдагы өкмөт башчы кайсы иш боюнча сурак берип жатканын айткан жок.

Белгилей кетсек, 20-октябрда Финпол экс-премьерге Кыргызстандан сыртка чыгууга тыюу салынганын кабарлаган.

Эгер ал чет өлкөгө чыгууга аракет кылса, кармала турганы айтылган.

Радиожыштык чыры

Эскерте кетсек, жыштык сатуу боюнча ишти Аскер прокуратурасы менен УКМК иликтөөдө.

Үстүбүздөгү жылдын 14-майында Мамлекеттик байланыш агенттигинин экс-жетекчиси Наталья Черногубова уюлдук операторлордун бири жана Байланыш комитетинин кызматкерлери менен жең ичинен сүйлөшүү жүргүзгөн деген шек менен кармалган. Андан кийин агенттиктеги коррупция иши боюнча беш адам колго түшүрүлгөн, арасында УКМКнын да кызматкерлери бар экени айтылган болчу.

Жапыкеев: ири суммадагы акча уурдагандардын иши биринчи каралат

20-май күнү депутат Жанар Акаев Жогорку Кеңеште өкмөт эки радиожыштыкты төмөн баада сатканын билдирген. Эл өкүлүнүн айтымында, мындай аракет премьер-министр Мухаммедкалый Абылгазиевдин кийлигишүүсү жок ишке ашмак эмес. Акаев келтирилген зыянды 5 миллиард сом деп баалаган. Эртеси Абылгазиев айыптоолорго жооп берип, тергөөгө басым жасады деген кинеден оолак болуу үчүн кыска мөөнөттүү эмгек өргүүгө чыккан.

12-июнда аталган иштин алкагында "Ала-ТВ" компаниясынын негиздөөчүсү кармалган (ушул компаниянын жыштыгы уюлдук операторго сатылганы айтылган).

 

15-июнда Мухаммедкалый Абылгазиев бул ишке тиешеси жок экенин айтып, отставкага кеткен.

Жаңылыктар түрмөгү
0