БИШКЕК, 23-сен. — Sputnik. Uzbekistan Airways авиакомпаниясы 1-октябрдан тарта Бишкекке аба каттамдарды жумасына эки жолу учкудай кылып көбөйтөт. Бул тууралуу Sputnik Өзбекстан агенттиги билдирди.
Бишкек жана Ташкент шаарларынын ортосундагы туруктуу каттам жумасына бир ирет болуп 14-сентябрдан тарта жанданган.
22 миң рубль. Москва — Бишкек каттамына авиабилеттердин октябрдагы баасы айтылды
Аткарыла турган каттамдардын убакты-сааты:
Ташкент — Бишкек (жергиликтүү убакыт менен):
- HY 779 каттамы— 7:05те учуп, 9:15те конот;
- HY 777 каттамы —16:00дө учуп, 18:10до конот.
Бишкек — Ташкент (жергиликтүү убакыт менен):
- HY 780 каттамы — 18:40та учуп, 19:00дө конот;
- HY 778 каттамы — 19:40та учуп, 20:00дө конот.
