БИШКЕК, 26-июл. — Sputnik. Дүйнө жүзүндө коронавирусту жуктуруп алгандардын саны 16 миллиондон ашканы тууралуу Жон Хопкинс атындагы изилдөө институтунун расмий сайтында жарыяланды.
Акыркы маалыматтар боюнча, дүйнө жүзүндө вируска кабылгандардын саны 16 048 100 киши болду. Мунун арасынан сакайып кеткендер 9 262 520 адам болсо, 644 537 бейтап ооруну жеңе алган жок.
Казакстан: өпкөсү 100% жабыркап айыккан бейтап медиктерге ыраазы болду
COVID-19га кабылгандардын саны боюнча мурдагыдай эле АКШ алдыда келе жатат. Мында 4 178 021 киши ооруп, 146 миңден ашыгы каза болду.
Андан кийинки орундарда Бразилия (2 394 513) жана Индия (1 385 635) турат.
Ал эми Кыргызстан тууралуу айтсак, бүгүн вирус жуктуруп алгандардын жалпы саны 32 813кө жетти. Анын ичинен сакайып кеткендер 20 388 болсо, 1 277 киши каза тапты.
