Министрлик: азык-түлүк, керектелүүчү товарлардын экспортуна чектөө коюлду

© Sputnik / Евгений Епанчинцев / Медиабанкка өтүүЖүк ташуучу унаалар. Архив
Жүк ташуучу унаалар. Архив - Sputnik Кыргызстан
Жазылуу
Эпидемиологиялык кырдаалга байланыштуу жана дартты Кыргызстанга жайылтпоо үчүн өлкөдө жүк ташуучу автоунаалардын жүрүү тартиби да өзгөргөнү айтылды.

БИШКЕК, 24-июл. — Sputnik. Ички рыноктун суроо-талаптарын камсыздоо үчүн өкмөт азык-түлүктөрдү жана керектелүүчү товарларды сыртка чыгарууга чектөө койду. Бул тууралуу Экономика министрлигинин маалымат кызматынан кабарлашты.

Аны менен катар эле учурда ички рынокто суроо-талап жок болгон бирин-экин товарлардын сыртка чыгарылышына уруксат берилген.

"Боорукердик вирусу" зарыл. Евразиялык коомчулук коронавируска каршы

"ЕАЭБ биримдигине кирген мамлекеттерде да коронавирус пандемиясына байланыштуу ыкчам иш-чараларды ишке ашыруу, экономикалык абалды жөнгө салуу боюнча биримдиктин коллегиясынын тарифтик эмес жөнгө салуу тууралуу чечими чыккан. Анда медициналык багыттагы каражаттардан сырткары бир катар азык-түлүктөрдү, жашылча-жемиштерди да ЕАЭБ өлкөлөрүнөн алып чыгууга тыюу салынган", —  деп айтылган маалыматта.

Эпидемиологиялык кырдаалга байланыштуу жана дартты Кыргызстанга жайылтпоо үчүн Кыргызстанда жүк ташуучу автоунаалардын жүрүү тартиби да өзгөргөнү айтылды.

"Бул өзгөрүүлөр жүк ташууларды үзгүлтүксүз кылып жана ички рынок үчүн зарыл болгон товарлардын убагында келүүсүн камсыздап, экспортко чыгып жаткан продукцияларды да калыбында кармоого жардам берди", — деп билдиришти министрликтен.

Казакстанга кычкылтек концентратору менен дары ташып бараткандар кармалды

ЕАЭБ алкагындагы келишимдерге ылайык, жүк ташуучу транспорттордун белгилүү шарттарды карманып, "жашыл коридор маршрут" менен кирүүлөрүнө жол ачылганы айтылды. Товарларды да токтоосуз алмашып туруу боюнча бул биримдикке кирген өлкөлөр менен келишимге жетишилген.

Бүгүнкү күндө Торугарт көзөмөлдөө-өткөрүү пунктун ачуу боюнча Бажы кызматы Кытай тарап менен иш алып барууда.

Жаңылыктар түрмөгү
0