БИШКЕК, 29-июн. — Sputnik. Кыргызстанга пандемия учурунан бери жалпысынан 11 миңге жакын адам кайтып келген. Бул тууралуу Мамлекеттик миграция кызматынын өкүлү Бактыгүл Айдакеева билдирди.
Ал "ЕАЭБдин эмгек рыногун өнүктүрүү: пандемиядан кийинки мезгилге божомолдор" деген темада уюштурулган тегерек столдо сөз сүйлөдү.
"Кайтып келгендер жумушсуздардын катарына кошулушту. Пандемиядан улам иши барлар дагы аралыктан эмгектенүүгө аргасыз болууда. Биз Эмгек министрлиги менен бул маселени чечүү максатында сүйлөшүүлөрдү жүргүзүп жатабыз. Анда кайтып келген жарандарыбыздын квалификациясын жогорулатуу боюнча кеп жүрүп жатат. Бирок аралыктан иштөө талабына өзгөртүү киргизүү кыйын, анткени бир катар суроолорду чечүүдө ыңгайсыздык жаратат", — деди ал.
РФте миграциялык каттоого 15-сентябрга чейин баш оорутмай жок. Маанилүү кабар
Кыргызстандыктар күн алыс чет өлкөдөн кайтып жатышат. Көбүнчө Россиядан келгендер арбын.
