БИШКЕК, 26-июн. — Sputnik. Россиядан Бишкекке 554 кыргызстандык учуп келди, анын 41и эки жашка чыга элек наристе. Бул тууралуу ТИМдин маалымат кызматынан кабарлашты.
Алар "Аэрофлот — Россия аба байланышы" авиакомпаниясынын "Санкт-Петербург — Бишкек" чартердик каттамы менен алып келинген.
"Учуп келген жарандардын арасында ай-күнүнө жетип калган кош бойлуу жана балдары бар аялдар, Санкт-Петербург шаарында жана Ленинград облусунда билим алган студенттер, Россияга ден соолугуна байланыштуу операция жасатууга баргандар бар. Ошондой эле жакындарын жоготкондор жана оор кырдаалдагы жарандар дагы бул каттам менен келген", — деп айтылат маалыматта.
Мекенге келген кыргызстандыктар медициналык кароодон өтүш үчүн обсервацияга жайгаштырылары кошумчаланды.
