Жалал-Абадда "Баатырлар аллеясы" пайда болот

© Sputnik / Виталий Белоусов / Медиабанкка өтүүПразднование Дня Победы в городах России
Празднование Дня Победы в городах России - Sputnik Кыргызстан
Жазылуу
Бой жете электе эле жаш курагын өйдөлөтүп жаздырып, Мекенди коргоого аттанган ошол кездеги балдар-кыздардын каармандыгы таазим кылууга татыйт.

БИШКЕК, 18-июн. — Sputnik. Жалал-Абадда Улуу Ата Мекендик согуштагы жеңиштин 75 жылдыгына карата "Баатырлар аллеясы" ачылат. Бул тууралуу "Биримдик" коомдук фондунан кабарлашты.

Салтанаттуу иш-чара 19-июнга белгиленип, кан майданга аттангандарды жана Советтер Союзунун Баатырларын эскерүү иретинде уюштурулууда.

Аллеяга жети стела орнотулуп, ага ар бир баатырдын портрети чапталып, эрдиги баяндалып, түшүрүлөт.

Письмо участника ВОВ кыргызстанца Курманбека Казакбаева - Sputnik Кыргызстан
"11 күн бою жалаң кызыл чокто болдум". Фронттон келген каттарды барактап
Мындай демилгени "Жалал-Абад облусундагы славяндар диаспорасы" жана "Биримдик" коомдук фонду көтөргөн. Аларга өкмөттүн Жалал-Абад облусундагы өкүлчүлүгү колдоо көрсөтүүдө.

Аллеянын ачылышында мекендештердин эрдиги дагы бир ирет эскерилип, ага келгендердин ичинен балалыгы, жаштыгы согуш учуруна туш болгондорго "Согуштун балдары" деп аталган төш белгилери тапшырылат.

Уюштуруучулар ал жерде санитардык-эпидемиологиялык бардык талаптардын сакталарын билдиришти.

Иш-чарага өкмөттүн Жалал-Абад облусу боюнча өкүлү, шаар мэри, Россиянын Ош шаарындагы консулу, Кыргызстан элдеринин ассамблеясынын өкүлдөрү жана ардагерлер катышары айтылды.

"Биздин максат — облустан чыккан Советтер Союзунун Баатырларын дагы бир ирет эскерип, эрдигине башыбызды ийүү", — деген диаспоранын жетекчиси Виктор Малюженко.

Алардын демилгеси республикалык деңгээлде колдоого алынган.

"Өзү бала болуп туруп, бирок жашын өйдөлөтүп алып Мекенди коргоого аттанган ошол кездеги балдар-кыздардын каармандыгына таазим кылабыз. Алардын көбү келген жок. Ал эми бул жерде калгандар таңдан кечке завод-фабрикаларда тикесинен тик туруп иштешти, тылда эмгектеништи. Колдон келишинче жардам беришти, жеңишке салымын кошту. Андыктан каардуу согушка балалыгы туш келгендерге, аталган диаспоранын демилгеси менен даярдалган атайын төш белгилерди тапшыралы деп турабыз", — деген аталган фонддун аткаруучу директору Олег Сернецкий.

Уюштуруучулар пландалган иш-чара жаштар арасында мекенчилдик көз караштарды бекемдеп, тарыхка, маданиятка, аскердик кызматка болгон урматтоону ойготот деген ишенимде.

Жаңылыктар түрмөгү
0