БИШКЕК, 17-июн. — Sputnik. Үстүбүздөгү жылдын I кварталында (январь-март) 16 компания камсыздандыруу төлөмдөрүнөн 407,6 миллион сом тапты. Бул туурасында Улуттук статистика комитети билдирди.
Аталган сумма өткөн жылдын ушул мезгилине салыштырмалуу 20,2 пайызга көп экени айтылат. Ал эми чыгымдары 271,3 миллион сомду түзүп, былтыркыга караганда 6,5 пайызга азайган.
Ошону менен катар эле жыл башынан 1-апрелге чейин 43,7 миң камсыздандыруу келишими түзүлгөн. Анын 36,4 миңи жеке жактар, калганы юридикалык тараптар.
