БИШКЕК, 12-июн. — Sputnik. Бүгүн Кыргызстанда 37 адамдан коронавирус аныкталганын саламаттык сактоо министринин орун басары Нурболот Үсөнбаев брифингде билдирди.
- Бишкек – 19;
- Чүй облусу - 13;
- Ош шаары – 1;
- Ош облусу - 2;
- Баткен облусу - 2.
Жаңыдан жуктуруп алгандардын арасында алты медицина кызматкери бар.
Ушуну менен республика боюнча коронавирус 2166 адамдан аныкталды. Анын 1168и сакайып үйүнө чыкты. Тилекке каршы, вирус 26 кишинин өмүрүн алды.
