БИШКЕК, 11-июн. — Sputnik. Акыркы суткада Кыргызстанда 58 бейтап коронавирустан сакайып чыкты. Бул тууралуу саламаттык сактоо министринин орун басары Нурболот Үсөнбаев брифинг учурунда билдирди.
“Алардын ичинен 33ү Бишкек шаарынын, 17си Ош шаарынын, алтоо Нарын облусунун, бири Ош облусунун жана дагы бири Жалал-Абад облусунун тургундары. Ал эми стационарда ушу тапта 473 киши дарыланып жатат, анын экөө реанимацияда”, — деди Үсөнбаев.
Республика боюнча жалпы 1630 бейтап айыгып, ооруканадан чыгарылды.
